今日得7度, 要減肥真係有難度...
忍忍忍忍忍!! 要催眠自己, 好好味好好味好好味!
2014年2月11日 星期二
2014年2月10日 星期一
住家飯之鹹旦蒸肉餅+梅菜蒸菜心豆腐
今日開始實行五二減肥法, 每逢星期一同星期四我會只食500KCAL, 今日撞岩天氣咁凍, 真係好難頂....
原本諗住帶個蘋果返公司做早餐, 點知唔記得攞, 經過祥興就買左4個, 點知返到公司食左幾啖先發現個心係爛架, 好驚呀!!!
好肚餓呀! 到午餐6菜食, 食完好似冇食過咁呀, 冒險再切個蘋果, 咦, 呢個又冇事喎, HEHE...
太餓了! 忍唔住食左兩粒朱古力, 應該唔係好大問題吧!
好期待, 放工即走返去買餸煮飯, 自己煮就可以有多D野食啦!
鹹旦蒸肉餅
我第一次整咋, 整完點解D肉咁實呢? 經過一輪研究之下, 我諗買返黎0既肉碎都係要再剁先OK呀, 同埋下次要加多D水... 雖然實左D, 但味道冇問題, 所以老公都食左半個呀! 淨返半個帶返黎帶飯啦!
梅菜蒸菜心豆腐
買左石澳梅菜心, 果然好味道呀! 用百福蒸煮滑豆腐, 毫無難度又好味...
好期待聽日0既早餐呀! 好掛住菜肉飽!!!
2014年2月9日 星期日
天寒地凍之Haagen Daz + 住家飯
凍冰冰食雪糕就最開心!
然後三口子去到百佳同759買餸煮飯, 點解唔去街市嗎? 因為大小姐唔鍾意行街市囉!
咖喱薯仔雞亦
今次用左個痴底皇天上野煮, 痴到D雞亦甩哂皮, 汁又冇哂, 唉, 好彩味道冇事啫, 下次都係用返皇后煲好了...
蕃茄炒旦
自己煮飯的好處, 就是可以多D蔬果
煎比目魚
購自759, 冇拍粉所以唔脆, 好彩味道都仲OK..
2014年2月7日 星期五
The Legend Concept
已經第三次幫襯The Legend Concept, 除左食物好味道之外, 服務態度亦係我欣賞的一點...
今次有幾樣野都同上次唔同呀, 雖然我好想食之前0既菜, 但最後都係決定唔要求改, 我相信佢地整得出黎都應該好味0既...
一坐低, 先開我帶去0既SANTA HELENA, 事不疑遲, 可以馬上上菜了...
首先係生蠔, 第一款唔記得係咩名, 第二款係BELON, 兩款都好新鮮, 不過我覺得BELON好味D呀...
呢個包係食咁多次都唔厭架, 熱辣辣好好味, 我地個個都食左兩件呀...
忌廉紅椒湯, 其實我好掛住佢地0既黑松露忌廉蘑菇湯, 不過有新野試下都無妨呀, 結果.... 係非常好味, 好彩我大胆一試, 真係愛上左呢個湯, 我飲完仲添多左半碗呀!
朋友0既蟹肉釀蘑菇, 不錯, 但我都係喜歡煎鴨肝多D...
煎鴨肝伴蘋果, 舊蘋果好好味, 不過鴨肝略嫌唔夠脆...
其實食到呢度已經好飽, 體貼0既佢地同上次一樣提議我地休息一陣, 傾下偈先再上菜...
第二輪首先食左個SORBET先, 呢個係柚子味, 相信個個都喜歡啦...
再黎主菜, 其實尋日CONFIRM MENU時我有猶豫過選大蝦, 因為和牛已經食過兩次了,
但PIANN提議我食牛, 咁我當然聽佢講啦, 上菜時先發現原來今日0既牛扒同上兩次不同, 呢個比之前0既更好味, 牛味濃郁, 食慢D都唔會變硬, 個SAUCE又好味, 100分!
好飽好飽, 到最後的甜品了, 我選了PANNA COTTA, 味道未算超班, 但都算好OK, 因為好滑...
朋友揀0既DARK CHOCOLATE CAKE, 呢個冇上次嗰個咁好味喎, 有少少似擦膠...
之後黎杯洋甘菊, 傾多陣偈就返屋企0刺...
好愉快0既晚上
馬年大年初七 - 同小穎媽媽拜年
小穎媽媽咁錫妹妹, 過年一定要同佢拜個年...
小穎選址APM御泰坊, N年前食過一次到而家...
以信唔係肚餓就眼訓, 心情唔多靚呀...
又喊又笑咁... 哈哈...
2014年2月5日 星期三
馬年大年初六 - 親子日
呢兩日唔駛拜年, 今日妹妹提議去冒險樂園, 都好吖, 橫掂都好耐冇去, 一於兩母女親子活動...
聚寶坊有新野影相, 幾COLORFUL呀...
冒險樂園玩左一陣其他野, 就夠鐘去玩波波池...
當中發生一件小插曲, 就係一夠鐘玩波波池, 妹妹就朝住波波池一支箭咁跑去, 而我只係行過去, 行到去我見唔到妹妹, 因為實在太多人, 我知唔會唔見佢0既, 點都係响呢度附近, 行到盡頭就搵唔到, 唯有行返轉頭睇下啦, 一轉身就見到妹妹眼濕濕, 好慌張咁向我呢個方向跑, 但佢原來係睇唔到我呀, 當見到我時, 佢就攬住我喊, 好驚, 仲喊左好耐添, 唉, 之前教佢唔見媽媽要鎮定, 企定定等媽媽黎搵佢, 似乎一驚起黎都係做唔到喎...
玩完我地去食左個前所未有咁大份0既KFC, 好飽好飽....
所以晚餐都食唔到, 我只煮左個焗雞脾意粉比爸爸食, 一個人份量我竟然快手落哂成罐醬汁, 好彩爸爸都覺得好味啫...
訂閱：
文章 (Atom)