今日係妹妹返PRE-NURSERY0既第一日, 尋晚去完街返屋企, 媽媽就急忙準備返學0既野....
簽通告, 燙校服, 準備學生相, 呢張學生相, 影左好耐先影到, 因為妹妹唔係個頭歪左, 就係個身歪左, 呢張算係最OK架0刺.....
仲要响妹妹所有物品上面寫名同埋執書包.... 媽媽好鍾意做呢D野, 做得好開心呀!!
媽媽開始緊張0刺, 返學0刺, 妹妹大個女0刺, 一講到"大個女"三個字, 媽媽就忍唔住眼濕濕.....
十一點多開始叫妹妹訓, 都知佢冇咁早訓到架0刺... 不過不停咀唱歌唱左個幾鐘, 佢唔攰我都已經好攰.....
好不容易12點半妹妹終於訓著, 但又到媽媽訓唔著喇, 心情好緊張, 又好大感觸咁.... 其實好攰好眼訓, 但試訓左好多次都訓唔到, 唯有msn, fb, weibo下啦, 最終5點幾先訓到, 兩個鐘後又要起身0刺....
朝早, 媽媽梳洗完畢後, 輪到妹妹, 怕妹妹會肚餓, 比左支奶妹妹飲先....
然後, 捉佢起身刷牙, 妹妹全程都係合埋對眼黎刷, 比佢笑死....
刷完, 又pa左落地下訓著左....
到差唔多出門口, 妹妹先稍為清醒少少咋....
出左門口0刺, 趁等lift影張校服照先,...
叫妹妹笑, 佢只識用兩隻手指篤住塊面, 但個咀係冇笑的....
如果要步行去學校, 大約要20 mins, 懶惰又冇力0既媽媽當然選擇搭的士啦, 唔跳標, 可以接受0既....
返到學校0刺, 大約有10個小朋友都係插班0既, 有D小朋友已經開始喊緊.... 妹妹就on居居望住人喊... 又同其他小朋友打招呼....
其實我呢幾日都有成日同妹妹講返學0既事, 但每次妹妹聽到要自己同小朋友玩, 媽媽一陣返去接佢, 佢都唔比反應我, 令我有d担心....
一到9:15, d姐姐就叫我地上去0刺, 一路上樓梯, 妹妹仲不停响度講太陽伯伯, 似乎仲ok....
上到樓上大堂, 意想不到, d老師, 校長同嬸嬸, 好快就將d小朋友擄走左, 真係好快架, 妹妹眨下眼就响我面前消失左0刺, 不過都好, 起碼唔會有依依不捨0既情景.... 而我, 個女比人捉走左之後, 個心只有少少痛, 同埋眼泛少少淚光, 我自己絶對覺得可以接受呀!!
要等兩個鐘, 一於去附近Mc Cafe食完早餐等啦.... 又再fb, msn, weibo, 好彩電話可以上網, 呢個發明實在太偉大0刺....
話咁快就夠鐘0刺, 經過7-11, 買左包糖獎勵下妹妹!! 係面包超人提子糖呀!!
離遠已經見到d家長响度等緊0刺, 我都未算係最緊張0個個....
上到去, 見到學校安排左呢d插班0既小朋友坐响d木登仔度, 家長只可以响上面未入到大堂個門口度領取小朋友, 要出示學生証先可以湊到 (都安全)....
我排第一, 望入去, 見到多數0既小朋友都响度喊緊, 喊到小豬頭咁呀, 好陰公.... 妹妹被編排坐响最埋面, 媽媽莊唔到佢... 不過比人捉出黎時, 好彩係冇喊0既....
校長話(唔知點解校長會知呢??)妹妹開頭有少少喊, 之後就冇野0刺, 我覺得妹妹好叻呀.... 我抱住妹妹, 不停讚佢, 但係, 妹妹一路都唔望我, 唔理我, 問佢野, 同佢講野一律唔應, 個樣好唔開心, 弊0刺, 妹妹嬲左我呀!!!!
一直行到出左門口, 我同妹妹講我買左糖糖比佢, 佢先開始同我friend返, 好彩, 問佢返學開唔開心, 佢話"開心!!"
不過好奇怪, 妹妹答我冇飲過水, 佢個杯又真係一滴水都冇喎, 唔通老師冇比水佢飲? 成兩個鐘喎, 聽日要再留意下先得....
