星期六同妹妹去左做皮紋分析, 藉住呢個分析可以了解妹妹邊方面0既潛能比較強, 知道邊個地方應該著重發展, 邊個地方比較弱需要幫助佢改善, 同埋了解佢0既性格, 咁就容易用適合佢0既方法去教佢, 同佢溝通….
我地去左油蔴地Alan Poon0既地方做, 0個度係一個課室, 佢地有自己開設0既課程同埋工聯會都有d course响0個度上….
去到, 佢地話要試下先, 因為唔係個個bb d指紋都夠深, 我地去之前有個bb就做唔到, 吓? 聽到真係有少少担心今次白行一趟喎… 好彩妹妹0既指紋好明顯, 真係好, 我地可以今日做0刺….
妹妹都算合作, 好快我地就套取哂佢0既指紋….
佢地問我有冇時間, 可以今日同我講埋, 嘩, 咁快? 好呀, 我都好心急想知呀….
不過暫時只可以睇soft copy, hard copy要遲d先比到我, 今次ms lam同我講左先, 咁下次Poon sir比我時先又再同我講下….
妹妹左右腦差唔多, 左腦開發多少少, 但廿一世紀大家都係比較著重右腦, 所以ms lam叫我要多比妹妹訓練右腦, 暫時比佢爬多d, 學下游水, 因為呢d運動左右手腳都要活動….
妹妹0既性格好主觀, 教佢要做左比佢睇之後先講比佢知, 同埋示範之後佢會自己去解理同發掘, 教佢亦要比好多証據出黎, 講得服佢先ok, 唔係講兩句佢就會聽架, 佢仲會同你爭辯添(聽落好似會好攰咁喎).... 佢反省能力好強(good!!), 要同佢講道理, 唔好一野就話佢錯, 因為佢自尊心好強, 好愛面子(呢個我地大家都知啦!! 好準呀!!)
對佢要物質化0既奬勵, 不能太偏向精神奬勵, 咁似乎要慢慢開始唔好買咁多野比佢0刺, 等佢大個d要有用表現去換取物質....
同佢溝通要直接, 不可兜圈, 不可零零碎碎唔知講乜咁, 我明呀, 我都鍾意直接d....
妹妹有目標就會堅持到底, 係好事黎架!!
讀書方面, 最有成效0既係活動式教學, 比佢接觸多d野令佢強化內在經驗, 呢個好重要, 所以要出去活動多d, 比佢咩都試下, 每樣野亦教佢有唔同0既解決方法.... 第二時揀學校都要揀d比較多課外活動0既...真係好, 而家知左可以揀間岩佢0既幼稚園....
妹妹最強0個方面原來係溝通同管理(唔怪得佢咁鍾意撩人講野同安排人地做野啦, 哈哈!!)
跟住就係空間感, 即係踢波, 打藍球, 單車呢類叻喎, 妹妹都係比較運動型.... 可以比佢多d砌積木(哎呀, 仲未買添!! 好, 就呢個星期啦!!), 大個可以玩多d層層叠之類0既遊戲....
比較弱就係肢體律動同音樂感, 都幾準喎!! 佢行路都麻麻地....ms lam提議可以比佢學下dancing同音樂, 但just for fun同埋比個經驗佢, 等佢唔好再衰落去啫, 但唔好希望佢會從事呢樣野囉.... (但其實分數都係標準架, 唔會真係好差卦, 哈哈!!)
邏輯推理都係得標準, 所以妹妹大個d要學下珠心算, 學下捉棋....
佢話妹妺適合做一d工作係自己一個做的, 又適合做戲劇喎, 哈! 我諗都冇諗過喎, 好得意.... 佢建議妹妹可以學下小朋友0既司儀培訓班, 小記者之類.... 哈哈, 咩都要學咁喎....
個report仲有埋妹妹身體邊方面容易有事, 嘩, 原來指紋可以睇到咁多野!!!
好失敗, 原來ms lam將妹妹d指紋入哂program之後就再睇唔返佢每隻手指係咩紋, 不過好彩ms lam好好人, 佢願意再幫妹妹睇多次, 妹妹有6個斗紋, 裡面有4個都係正斗(環紋), 2個螺同4個正箕, 都不錯呀....
好想快d攞埋個hard copy比爸爸睇呀!!!
ms lam仲話, 响小朋友半夢半醒, 即就黎訓著0既時候同佢講野佢係吸收得最多架, 因為同緊佢潛意識講野, 所以有咩想鵝佢就要趁呢個時候0刺, 不過講0既野一定要正面, 切忌負面...... (好開心呀, 呢樣係送架, 之前我都冇聽過!!)
