好好味的咖啡弄

知道要食銅鑼灣咖啡弄, 起碼要排一個鐘頭以上, 諗都冇諗過可以食到...

今晚約左RONA食飯, 响OR發現尖沙咀新開左分店喎, 佢地仲係試業中, 一於放工SHARP走去試試啦!

等左半個鐘, 完全係可以接受, 因為响街企左一陣, 就上去餐廳內坐住排, 一路傾一路等, 都好舒適...

我地都唔算晏吖, 但好可惜幾乎所有限量0既食品都賣哂...

仲有... 竟然係每人一定要叫一杯野飲, 佢地D野飲40-50蚊一杯, 同主食, 甜品都差唔多價錢, 仲要大部份都唔岩我飲... OH NO...

我揀左OREO冰沙, 都幾OREO, 幾好味...

注重養生0既RONA叫左薑茶...

主食方面, 叫左總匯三明治, 想不到的好吃, 面包又軟, 入面D雞肉又JUICY, 非常好呀!

PIZZA, 唔記得個名, 都好好味..

 可能飲左OREO0既關係, 飽到三文治都食唔哂, 但甜品又唔可以放棄喎, 點都要叫一款呀!

揀左款冇咁飽肚0既草莓千層派, 不太甜, 好好味!

環境好, 服務態度好, 食物品質好, 再加上令我穫益良多0既朋友, 呢餐真係食得好開心!

好期待下次再幫襯咖啡弄!

新香園

今日去鴨寮街幫媽咪買個冷氣REMOTE, 順便可以試下深水埗美食...

新香園响OR係深水埗0既第一位, 我想試好耐0刺...

我地食哂三款招牌食品...

#1 招牌蛋牛治烘底

其實我食三文治唔鍾意烘底, 不過見個個都烘我又唔執輸..

感覺係有D失望, 因為個蛋太熟了, 同我平時食0既蛋牛治好唔同, 我下次都係食返樓下名廚好了...

#2 西多士

中間冇花生醬, 感覺唔夠豐富喎, 不過D皮都OK脆, 算OK好味...

#3 豬手面

呢個我冇食到, 不過爸爸話好淋, 我諗應該幾好味0既...

下次要試下合益泰, 好多人排隊呀!

我又黎檸檬醋

尋日好好彩買到靚0既檸檬, 即刻去埋百佳買醋同冰糖, 可惜買完先知百佳0既白醋係冇醋0既成份, 激死呀! 呢個就係我貪平0既後果0刺...

今朝起身就浸0刺, 呢個樽只需要三個檸檬, 平盒冰糖同一支醋...

浸完唔記得影相, 夜晚返到屋企D糖已經溶哂LU...

好味沙嗲牛肉面@源都冰室

好耐冇黎食過0刺...

 

 

呢間係我由細食到大0既源都冰室, 雖然幾十年都冇再裝修過, 但反而感覺仲親切, 坐响度, 即時回憶起童年往事...

 

 

坐底左好耐, 先決定到食呢個沙嗲餐牛面,  因為除左沙嗲面之外, 蕃茄豬扒燴意同三文治都好好味架...

 

 

 

 



至愛燒三文魚腩

間中我都會去AEON超市買LUNCH, 燒三文魚腩係我至愛!

 

不過今日要減肥, 放棄了燒雞脾, 只食呢個燒三文魚腩, 唔夠飽呀~~

 



Elsa picture

今日同妹妹响冒險樂園整左呢幅畫，整左我一個鐘零九個字，不過又幾靚嘅!

成套連相框$138，爸爸話抵喎。

我又黎KIT KAT

已經見過呢隻KIT KAT幾次, 但都冇買到, 因為屋企太多零食0刺, 同埋.. 因為我唔知有得玩!!

星期日阿大講起話可以用焗爐焗, 我好後悔冇買呀, 尋日即刻去759入左兩包…

 

今晚0既飯後甜品… HEHE

 報紙話最好0既做法係250度焗2.5分鐘, 但我個焗爐最高只有230度, OH NO!

 

試住4舊先...

 

 用上下火力焗左2.5分鐘一D起色都冇喎...

 

, 再焗到唔知幾多分鐘, 製成品冇個包裝咁靚0既, 個底又好似想燶咁 L 

 

 

 

雖然個樣唔靚, 但食落係脆卜卜0既, 不過始終我唔係太鍾意食白朱古力, 覺得太甜..好漏...

 

再接再厲, 今次只用上面火, 出黎個樣靚D, 不過個底又冇咁脆..

 

 

食到好飽, 好想放棄, 哈哈哈...

 

主要原因應該係焗爐火力唔夠吧, 冇動力再玩多一次喎...

TEAWOOD 茶木

最近黃埔開左茶木, 成日都好多人排隊, 今日.. 我地終於食到0刺!

紅燒牛肉面, d牛肉超淋, 好好味!

芒果乳酪, 如果芒果味再濃d就好了..

炸雞排便當, 一塊雞排要$48, 而家一個便當$54, 感覺上抵d...

草莓雪糕蜜糖磚塊, 個樣好吸引, 仲比想像中好食! 塊塊面包都好有蜜糖味... 等我下次試埋個朱古力味先...

好可惜, 呢餐飯唔岩妹妹食, 唔知點解佢連個甜品都唔想食喎, 點解呢?

大埔大尾篤燒烤王

今日約左大夥人一齊去大埔BBQ, 朝早起身之後妹妹突然話佢好頭暈, 係咁喊喎, 佢好想去, 但又好唔舒服, 好彩後尾佢好返好多, 我地可以照去玩...

出發時, 妹妹一入LIFT就嘔, 我問左佢好多次佢都話自己冇唔舒服喎, 仲叫我唔好話比魚旦舅父知添...

好彩之後佢一直都好精神!

去到BBQ度玩風箏, 不過冇風, 放唔起~~

呢個天氣BBQ真係好熱... 燒烤王多數野都唔好食, 只有金沙骨同麻辣雞亦較為OK...

燒到大約4點, 我地去附近放風箏, 風景優美, 好舒服...

 終於放得成0刺, 妹妹好開心, 但玩多陣又開始覺得悶呢...

四個小朋友, 妹妹同丁丁最FRIEND, 丁丁好可愛, 又乖!

玩玩下開始多蚊, 係時候走人0刺, 去埋中大食飯今日活動就完結了, 期待下次的親子GATHERING!

LITTLE PILOT

THANK YOU AMANDA幫我訂LITTLE PILOT, 可以一齊做下飛機師!

換左衫0刺, 好醒目喎! 不過都係眼腫腫!

排隊入去TRAINING0刺!

等左半個鐘, 到家長們入去觀課, 有CAPTAIN教佢地飛機0既知識...

多數小朋友都好細個, 所以ALVIN同妹妹變得比較投入...

觀課15分鐘話咁快就完, 佢地繼續活動, 我地就响出面等佢地出黎...

畢業0刺, 出黎0刺!

攞左畢業証書... 你就係一個飛機師架0刺, 哈哈哈!

好肚餓, 响EXP醫肚, 三個小朋友玩得好開心, 妹妹又食左好多野, 樣樣都讚好味, 好攪笑!

LG G PRO 2

PCCW早兩個星期打黎話可以斷我約, 我部S3仲有4-5個月未供, 突然可以斷約真係好著數, 其實我一出左部S3就後悔, 近排仲要成日HANG機, 忍左佢19個月都算係咁啦! 

今晚部G PRO 2送貨0刺, 好開心! 聽日開始放假可以响屋企好好研究呢部新玩具!

自製塩麴 - 收成了!

終於等到第七日，我的自製塩麴完成了！

好想快啲煮餐飯，可以試下，hehehe!

自製塩麴

塩麴用黎醃肉實在太好用, 急凍野都可以變得好好味!

買現成的塩麴實在太貴, 我決定學人自己做!

今次用200g米麴 + 65g塩 + 300cc水

第二朝d水已經收哂, 好緊張, 希望成功吧!