恨心的媽媽

11/13

妹妹呢排好麻煩, 成日唔肯刷牙, 每次都要氹好耐...

到刷時, 又話D牙肉好痛, 唔比人刷前面0既門牙, 但尋晚睇醫生又話佢冇事喎...

今日妹妹要食好立克糖, 我拎左出黎, 叫佢刷牙先, 刷完先有得食... (其實都係唔應該, 邊有人一早就食糖架??)

妹妹堅持要即刻食, 响我手上搶左好立克糖...

我警告佢, 如果佢真係食, 我就將成包好立克糖掉落垃圾筒...

佢竟然當我唱歌, 自顧自將糖糖放入口....

OK! 我就攞左盒糖, 掉左入垃圾筒....

妹妺狂喊, 好激動, 激動到連口裡面0既糖都跌左大半粒落地下, 真陰公....

佢有講:"我跌左!!!!!", 但我幫唔到佢了....

教訓完後, 佢應承以後會聽話, 我亦應承佢一陣買返盒糖比佢, 但下次再犯就唔會買返0架0刺...

好殘忍, 但冇辦法, 幸好妹妹唔會嬲我...