馬師傅又幫我放左個袋, 冇電話聯絡唔到...
好彩佢地醒目識自己去, 如果唔係....
去到想試好耐0既生記茶餐廳... 呢間野日頭係茶餐廳, 但6:00之後就會變成膏蟹專門店, 好得意...
佢地唔係叫左好多野食, 但原來一夜左D好味野就會賣哂....
蜆肉春卷, 係因為蠔春卷賣哂, OH... 我下次一定要食到蠔春卷!!
我地8個人只叫左個細蟹粥, 再叫時已經賣哂!! 個粥好好味, D膏真係煲哂落D粥落, 唔似其他水蟹粥, 蟹還蟹, 粥還粥...
炸丸, 冇乜特別...
蟹飯, 都唔錯, 但我鍾意蟹粥多D!!
食完大家都覺得唔太夠飽, 所以去左寶石戲院隔離0既新忠記打冷...
呢條馬友, 勁好味, 好滑, 又好多油, 而家諗起都想再食!!
鵝腸, 其實我係第一次食, 又比想像中好喎..
煎蠔餅, 其實阿JOE已經買左一碟去生記一齊食, 因為好味, 再ENCORE...
辣酒煮花螺, 都幾辣, 份量好多, GOOD...
勁呀, 一晚食左兩餐呀!!
沒有留言:
張貼留言