奇怪的行為

11/20

今日太趕住出門口, 冇幫妹妹紥辮添...

帶埋橡筋, 我地响西鐵攪攪佢...

妹妹話要紥同學仔芯芯0個種辮, 芯芯D頭髮比較短, 佢媽媽曾經幫佢响頭頂紥左條辮仔...

但妹妹你D頭髮咁長, 唔好睇架喎...

我嘗試紥低少少, 但妹妹唔滿意, 要求紥高D...

紥返高少少, 妹妹好開心喎 (傻婆...)

飲茶時, 妹妹突然將條辮除左, WAKAKAKA, 個頭亂哂呀, 我笑左佢一下, 隨即幫佢撥好...

冇為意, 妹妹個人越DUP越低, 最後痞到落地下, 原來因為我笑佢個頭亂哂, 佢覺得好冇面呀...

抱佢起身, 佢先喊出聲, 真的好唔開心, 氹左一輪先冇事...

呢個行為太奇怪了, 咁細個就咁要面子嗎?