好忙碌!!!

11/19

賣完旗之後, 唔係返屋企, 我地要繼續忙碌0既一整天啊!!

原本妹妹話賣完旗想返屋企, 於是我同佢搭的士返去, 然後我先再去北角會合屋企人...

點知妹妹途中又突然改變主意, 話要跟埋我去, OH! MY GOD!!! 咁我就唔駛搭的士啦!!!

落左車等106, 剛好走左一架, 一等, 竟然等左半個鐘!!!

好彩都冇遲到啫, HEHE!!!

我地去左北角三德素食館, 以前覺得幾好味的, 唔知而家係差左定係自己試多左更好味0既齋菜, 覺得呢餐一D都唔吸引喎...

然後大夥兒飛的去歌連臣角, 舅母想走之前可以睇下紀念花園0既環境...

佢地覺得地方好好呀!!!

回程搭的士去尖沙咀, 因為大舅母約左朋友遲哂到...

妹妹開始不停游說細古古去我地屋企玩, 細古古又走唔甩0刺, 哈哈!!!

細古古响度, 我有機會訓一陣, 實在太攰0刺...

直至小穎姐姐放工黎到紅磡, 細古古要走了, 我又要起身0刺...

隔左一陣, 門鈴响起, 竟然係小穎姐姐, 原來細古古返屋企餵小冬, 佢就特登上黎做陪玩女郎等我可以再訓一陣, 你真好!!!

妹妹扭計要落去SIR SIR, 小穎又帶佢去... 我執埋D野都要落去0刺, 因為我地約左魚旦舅父响天后等, 一齊上去ANNE姐姐屋企打邊爐!!!

ANNE姐姐個肚好大0刺, 幾個人打邊爐好開心!!! 妹妹仲有藍精靈糖糖拎返屋企添!!