"LONG禮"輝

11/7

今晚妹妹好"LONG禮", 好麻煩, 但講D野好好笑...
- 沖涼, 佢驚洗頭, 都未開始沖, 就大叫:"嫲嫲! 媽媽噴到我隻眼呀!!" 嫲嫲原本都以為我噴到妹妹, 入黎一望, 原來從來都冇開始過!

- 爸爸同妹妺玩, 爸爸作勢咬佢PAT PAT, 妹妹話:"你咬人, 你冇禮貎呀! "

- 幫佢刷牙, 佢話門牙牙肉好痛, 未刷到就開始喊...只刷到兩下, 唯有叫佢LONG口LONG得好D啦, 教佢含住D水個咀郁下郁下, 佢話:"唔好咁樣啦, 好肉酸呀!!"

- 玩完錢, 爸爸想拖佢去洗手, 佢自己唔想洗, 就大叫大喊:"我隻手冇左呀, 爸爸摵左我隻手呀!"

- 知你其實扭緊眼訓啦, 好啦, 我入廚房沖奶, 爸爸望住妹妺, 妹妹話:"你唔好望我啦, 沖奶啦!".... 爸爸:"原來而家己經升級到望都唔比0刺...", 然後同我講: "你攪掂"LONG禮輝"0刺, 我去沖涼...", 妹妹聽到, 好唔LIKE囉:"我唔係叫LONG禮輝呀! 我叫李梓丹呀!!!