火車

11/10

有一次, 我將公司一架火車影低比朋友睇, 無意中比妹妹睇到張相, 妹妹都想要呢部火車, 但基於其實同系列0既車車佢已經擁有兩架, 同埋, 其實呢架車冇乜FUNCTION, 唔值得再SIDE位放多架, 所以我遲遲都未拎比佢, 後來, 我自己都冇跟呢間廠0刺...

已經過左幾個月, 妹妹依然記得(讀書又唔見咁好記性喎..), 不時提醒我要拎火車返黎...

我只好問而家跟緊0既同事攞一部啦...

前幾晚, 妹妹開始唔耐煩:"我聽日都係跟埋你一齊返工0刺.."

我:"點解呀?"

妹妹:"返去攞火車囉..."



第二晚, 我都係唔方便攞, 妹妹又提多我一次, 我扮聽唔到, 佢一直講到我聽到為止...

尋晚, 我要去元朗, 但為免妹妹又失望多一次, 我帶左火車遊左新界九龍一周...

返到屋企, 妹妹訓左覺... OH.....

我將架火車放响波波池門口, 佢一起身就會見到有份禮物, 一定好開心!!!

今晚返到屋企, 我一入門口就問妹妹見唔見到份禮物, 妹妹好開心咁話:"見到呀! 火車呀!!"

然後同我講:"你等埋我呀! 我讀多D書先去公司呀! 等埋我, 我同你一齊返公司攞玩具呀!!!"