妹妹的第一次 - 賣旗

11/19

期待左好耐, 今日終於到0刺!!

妹妺0既第一次, 獻左比公益金...

幾日前學校己經比左旗袋我地, 我就開始解釋賣旗0既意義比妹妹知...

可是, 妹妹尋晚成兩點先訓, 叫極佢都唔肯訓, 一訓晏覺就好弊....

我十點鐘先叫醒佢, 好彩佢好叻, 一叫就彈起身...

10:30出門口, 妹妺仲係眼腫腫啊!!

天氣麻麻地, 但幸好冇落過大雨...

我地賣左45分鐘, 妹妹都算積極, 會叫人買旗, 如果食檸檬, 我地兩個就笑一下, 冇所謂啦!

好多人因為見到小妹妹賣旗主動過黎買, 多謝你地比D鼓勵呢位小妹妹啊!

賣完旗, 我地搭車去九龍城交旗袋...

响銀行出面見到好多一樣參與呢個活動0既小朋友呀...

影返張相先...

得到一張奬狀同買書的優惠劵...