4/21
今日超級忟呀!!!
1. 平時校兩個鬧鐘, 今日兩個都唔响, 原來一個我唔記得校, 一個就唔知做咩唔响... 唉... 遲哂到...
2. 為左星期日同妹妹去睇戲, 李智恆已經煩左我好多日, 上次最後明明講好如果唔睇3D就唔駛咁急買, 點知今日又打黎話我仲唔買, 喂, 你都好難捉摸啫... 仲有, 我返工唔係成日都可以咁得閒上網預訂戲飛囉, 咁得閒打比我催我不如你自己搵下???
3. 下晝miss左媽咪0既call, 放工返緊屋企先得閒覆, 原來婆婆又試好唔舒服, 好暈, 可能冷親, 不過食完成藥之後已經好返好多... 媽咪話婆婆有少少腳腫, 我好懷疑, 正常如果遵照醫生吩咐一定唔會腳腫, 腳腫代表已經肺積水, 又或心肺都積水, 唔逐樣問媽咪都唔會講, 原來婆婆每日飲0既水係比規定0既多出一倍!!!!!! 明知唔可以仲點解要做呢??? 成日因為飲水太多又要入醫院有咩意思呢?? 我嬲嬲地不停話媽咪, 然後教佢點樣去分配飲水, 講講下佢都冇心機同我講, 收我線...
因為已經過左醫院姑娘0既工作時間, 我留左言, 佢地真係好, 一早就打比我, 我叫佢幫我同媽咪了解多d, 勸佢唔好比咁多水婆婆飲, 佢都好樂意咁做, 講完仲再打比我講返, 真好交帶!!
嘩...邊間醫院姑娘呀, 咁好人呀....
回覆刪除[版主回覆04/29/2011 09:16:00]博愛醫院呀,有幾個姑娘專接電話架,佢地個個都勁好人...