婆婆可以做白內障手術了, HAPPY!!!

4/13

聽媽咪講, 呢排婆婆好唔開心, 因為白內障越黎越嚴重, 對眼睇唔到野...

行動已經不便, 仲要睇唔到野, 婆婆一定好難受...

之前問過博愛0既姑娘, 佢話婆婆如果做白內障手術都係局部麻醉, 對佢個心應該唔構成問題...

佢仲教我可以打電話去屯門眼科中心約返個時間覆診, 姑娘真好人!!

今次覆診我陪埋婆婆去, 希望可以幫得上忙, 問清楚D...

有時真係對政府0既醫務人員好不滿, 好似今次呢個咁, 唔知叫做視光師定醫生啦, HEA到呢, 好想話佢呀!!!

佢話婆婆原本個眼底矇, 又有LA, 只有少少白內障, 做左都冇大改善, 跟住問咩佢都話答唔到, 好嬲呀!!! 我死唔斷氣再問多兩句, 佢就繼續用D好HEA0既態度話咁下次返黎驗下眼, 真奇怪, 咁點解要下次驗? 唔可以今日驗咩??? 問佢佢先好HEA咁答: 咁驗囉... 哼, 咁都得!!

去左第二間房, 一驗之下, 發現婆婆對眼真係好矇, 右眼好D, 距離大約3呎0既大字都可以勉強睇到, 但隻左眼, 距離1呎1隻手指都睇唔到, 真的好嚴重, 令我更加嬲頭先0個個HEA人...

個HEA人見到個RESULT之後, 先話想驗下眼底, 幫婆婆滴左眼藥水再等45分鐘, 又發現白內障真係好深, 就咁驗都睇得唔清楚, 要照超聲波先得...

照完超聲波, 輪到一位資深D0既醫生睇, 跟住就話會安排婆婆响四個月內做手術, 之前聽講排緊做白內障0既人好多好多, 醫生比婆婆咁快做, 証明佢真係好嚴重啊!!

好好彩, 好開心, 快D做完婆婆睇我地都會清楚D, HEHE!!!!

婆婆話今日著得整齊, 叫我幫佢影張相!! 不過好晒呀, 下次我地再影過一張更靚0既!!