爸爸放假一天

3/29

呢一日, 爸爸突然有假放喎!

7點幾, 爸爸走黎叫醒妹妹, 咁妹妹當然仲想訓啦... 

佢大嗌: "太夜0刺! 訓左0刺!"

哈哈....

仲未做功課呀, 快d快d!

據我所知, 爸爸湊完妹妹返學之後就去左做龍友...

然後再接妹妹放學...

見到妹妹, 咦, 隻眼下面有一劃紅色0既??

妹妹話响學校撞到, 但點解老師冇講呢??

於是我叫爸爸行返課室問老師...

老師話妹妹冇撞到喎, 應該係拗損左啫...

妹妹聽到老師講, 又話自己拗損左0刺...

咁好啦, 返屋企啦...

落到學校門口, 陳主任見到妹妹條紅色痕, 問: "咦! kaylee, 塊面紅左0既, 你撞到呀?"

哈哈... 可愛0既妹妹, 又話自己撞到0刺....

放學後, 從相中所見 妹妹換衫後响樓下玩左一陣...

嘩....

然後去左唔好味0既紅蜻蜒食lunch...

嘩, 刀呀!!

再去左樂園玩...

傍晚爸爸帶妹妹去佐敦睇醫生, 妹妹有14.3 kgs, 95cm (我諗姑娘度錯左, 响屋企只有91cm咋喎)

今次返尹錦明醫生度睇, 尹醫生話妹妹只係傷風咳, 冇乜大礙...

然後我地見時間尚早, 去左護協買野, 順便幫姑姨婆買血壓計...

叫姑姨婆放工落黎交收, 講開, 姑姨婆都有興趣去運動站買野, 而家staff sale, 聽聞好扺呀...

後來魚旦舅父都黎左, 嘩, 妹妹好開心呀!!

I LOVE HELLO KITTY...