邦美蜀越式工房

4/5

探完婆婆後, 我地一行7人去搵食...

先搭車去元朗西鐵站, 阿佳話呢度就近有法式三文治0既餐廳...

一於去啦! 我想食好耐0刺...

點知, 大家搵左好耐都搵唔到, 就响差唔多入去食重慶雞煲0既時候, 阿佳又突然搵到0刺!!

呢間野叫做邦美蜀越式工房, 真係好難搵...

阿佳食過呢度0既法式三文治, 話同添記差唔多...

我地7個人叫左4條, 即係有8件, 果然係好味喎... 不過食完舊飽 + 可樂, 我己經飽左一大半, 之後好多野都食唔到...

我地仲食左其他野食...

酸辣無骨鳳爪 - 冇乜特別, 少少辣...

粉包- 我冇食, 大家都冇乜特別評語...

烤牛肉飯 - 我期望佢似小巴黎的, 有點失望, 味道一般, 似茶餐廳0既碟頭飯...

咖喱雞亦 - 佢地話好咸, 雞亦又生, 我地嘗試要求取消, 佢地0既回覆係:"冇得取消!!!", 駛唔駛咁大反應先?? 最後幫我地整返熟...

蒜茸飽 - 屋企人叫我齋食, 唔好點咖喱, 因為咖喱真係唔得, 齋食蒜茸飽, 味道可ok, 咸左少少, 但夠脆...

炸蝦餅 - 我冇食, 因為舅母話唔似蝦餅, 個樣亦吸引唔到我...

全晚最難食的, 就係炸春卷, 可惜電話冇電影唔到啦, 真的難食, 個皮好硬, 呢個係我叫的, 好彩大家唔駛我負責, hehe....

真的唔明點解openrice會有咁多好評, 除左三文治之外, 跟本就冇一樣野好食....