從未試過咁驚...

3/16

下晝4點幾, 我正做緊野0既時候, 突然有人打我手機....

對方問: 喂, 你係咪林弟0既孫女呀??

呢句看似簡單又普通0既問題, 當時令我個心差D跌左出黎, 又差D喊出黎...

原來真係會好驚, 我知道我自己好大聲答左佢一句: 係呀!!

原來係醫生打黎同我講婆婆0既病情 (已經係半個月前0既事, 但而家諗起都仲驚緊...)

醫生都係0個幾句, 慢性心臟衰竭, 少塩, 限水等等...

因為婆婆仲有喘, 所以醫生想佢住耐少少...

然後佢話因為婆婆對手好瘀, 怕佢D血有咩問題, 想同佢驗下血...

希望冇事啦, 唔好又有血問題....