阿佳結婚的準備

3/18

婆婆今日出院0刺, 媽咪同三舅父接佢出院... 然後媽咪就去金都攞件晚裝....

改緊件晚裝時, 我同媽咪去左和花亭食壽司, 門口得小貓幾隻, 因為核幅射問題, 往日條長龍唔見左...

今晚買左好多野, 又買左兩件衫比妹妹, 花女外套, 花女鞋...

媽咪件晚裝前後改左三次, 等到我呆左...

返到屋企已經12點, 好攰呀!!!

返到屋企妹妹好似已經訓左喎, 咁我當然行動得好細聲費時嘈醒佢啦, 點知.... 有人突然彈起身嗌媽媽!!! MY GOD!!!!

比對花女鞋妹妹試, 點知對鞋唔岩著, 妹妹一路試一路叫: 唔岩著呀!!! (哎呀, 聽日又要拎去換)

我問佢對鞋靚唔靚, 佢就指住鞋面0既花花灑手擰頭...