美味魚生飯

3/30

買左D魚生返黎咁耐都未得閒食, 今晚早放工, 一於嘆返餐啦!!!

雖然功夫唔多, 只係煮飯同將D刺生解凍, 但今晚波折重重, 因為妹妹唔比我行開半步, 只想煮落飯先都好大困難...

幾經辛苦, 終於逃出妹妹魔掌, 快快去準備!!

呢餐飯, 代價真大, 因為妹妹响我準備0既時候, 自己拎左罐奶粉出黎, 企圖自己筆奶粉落個奶粉格度, 人仔細細, 成日想學媽媽做野, 真係服左你!! 成張椅都係奶粉, 又要我抺一餐...

一輪辛苦過後, 終於有得食0刺!!!

吞拿魚腩蓉+帶子+赤貝, YUMMY!!!!

我的....

老公的.... (其實係一樣0既)

吞拿魚腩蓉, 同去食吞拿魚飯冇乜分別, 但價錢就差得遠0刺, $151一pack, 可以分到6-7食, 超抵!!!

帶子, 因為L SIZE冇貨, 我今次買左S, 其實都唔細呀, 仲好鮮甜添!!

赤貝, 爸爸嫌佢唔夠鮮, 唔會再ENCORE LU....

其實份量好大, 每人食左兩碗飯, 勁呀!!! 好飽呀!!!