同婆婆食團年飯

1/27我攞左半日假, 返屋企睇住家務助理黎大掃除, 然後勁趕同妹妹沖涼, 再去元朗同婆婆做節...

好彩架小巴快, 由大埔出發, 半個鐘頭就到元朗0刺...

阿輝同小穎响田中買緊壽司, 我地搭單買多個滑旦鰻魚飯比妹妹同婆婆食...

我地8個人, 買左50件壽司, 以為唔夠, 我再叫左kfc...

點知... 原來d壽司係超級巨形架!! 嘩!! 食左3, 4件已經飽... d kfc似乎係超級多餘...

食到一半先記得影相, 哈哈!!!

d味道都幾ok架, 雖然款式唔多 (但都食唔落咁多款), 但係超級扺食...