今天考中文

今日係第三日考試, 中文我覺得係最深0既一科, 我真係唔覺得妹妹會識囉...

但因為尋晚要陪媽咪買衫, 一買完我地極速食個澳洲就即刻返屋企幫妹妹溫書...

每次一開始溫, 妹妹表現都會好D, 但溫溫下, 就會開始亂UP...

之前識0既"衣"字同"牙"字, 尋晚都唔識呀!!!!

溫左唔夠10分鐘, 開始想走, 想睇碟同玩泥膠...

爸爸叫佢溫書, 佢0既回應係:"又溫書???", 然後自顧自玩...

得0個兩歲人仔, 佢根本就唔知咩叫考試, 溫書... 佢平時有興趣同有心機做功課我己經好開心0啦, 於是我決定唔再逼佢, 況且, 臨考試先黎溫作用都不大啦...