Homeless Alien Debut CD release show

1/7 發生左一件好重要0既事, 就係Homeless Alien出左佢地第一隻碟同埋開左個CD release party...恭喜哂呀!!!

呢張係個show0既poster...

一個咁重要0既show, 我地當然要支持啦!!

地點係西灣河蒲吧, 呢D青年人0既地方, 我真係第一次黎...

個show8點幾開始, 之前有FAD, KARAT同埋華麗實驗, 而Homeless Alien就大約10點開始唱, 總共唱左11首歌...

未到佢地出場, 見到阿輝, 影張相先...

原本諗住出去攞部相機影下華麗實驗, 點知行行下突然話HA出場, 嘩, 好緊張呀, 即刻仆出去叫埋媽咪, 恆仔同ZOE入場...

入到去已經好多人, 霸唔到靚位, 唯有企埋一邊啦...

呢個係一個室內籃球場, 用左半個場黎表演, 另外半個場個後台...

呢張相, 可以睇到都好多人黎呀...

場show比我想像中精彩, 我著住對4吋高踭鞋都頂得住, 可惜阿guy正在感冒, 把聲好沙, 一路聽我一路都有好想清清喉嚨0既感覺...

好精彩呀, 完場之後我地入後台搵佢地, 我冇响會場買碟, 因為我會响CD舖買, HMV, CD warehouse, 同其他有唱片賣0既地方都應該會搵到...

於是我地問人借左隻碟影相...

CD近鏡...

阿guy感冒, 為左令自己可以頂到成場show, 佢著住件厚褸黎唱, 最終, 入面d衫都濕哂...

呢個係後台0既環境...

同媽咪影返張...

呢張係人地影0既, 我覺得好靚, 要偷黎收藏一下...