扁桃腺發炎

1/14朝早有少少唔舒服, 睇左醫生先返工...

同同事响扒王之王剧左個鐵板之後, 返到公司就開始喉嚨痛, 仲越黎越厲害...

夜晚約左LT同事食飯, 一年一次0既聚會, 我冇諗過唔去喎...

但係真係好痛, 同事都覺得我唔多妥...

返到屋企, 原來我發燒呀, 比李智恆責駡:"而家同特首食飯咩? 唔舒服都要去!!"

原本只係38.4度, 好快地就升到40.2度(104度), 好辛苦, 李智恆問要唔要去醫院, 但0個刻我只想訓覺, 但妹妹就死扯住我唔放...

食左退燒藥, 第二朝起身退左燒, 真好, 但喉嚨側邊好痛, 於是BOOK左同妹妹一齊去睇醫生...

妹妹話要戴口罩, 雖然呢個係兒童口罩, 但妹妹都唔岩戴...

醫生話我係扁桃腺發炎, 因為呢排扺抗力差, 所以比細菌感染, 要食5日抗生素... 仲要戴口罩, 唔好傳染比妹妹, 否則佢又會發高燒...

返到屋企, 又發冷, 又發燒, 又發燒, 又退燒, 呢幾樣野不停循環左幾日... 有兩日食唔到野, 連吞口水都極痛...

直至1/17, 我仲發緊燒, 所以請左病假一天...

1/18終於要返工, 但都係發住燒咁做野...

發左5日燒, 終於退燒0刺, 不過仲痛緊, 要繼續食抗生素, 但D藥令我肚疴, 又胃酸倒流, 都幾辛苦...

點解呢個咁小朋友0既病會發生响我身上呢? 好奇怪啊!!