十勝豚丼

今日我地一家三口決定唔去街, 只留响屋企執下野同落街辦下年貨...

午飯時間開始出動, 先試下超級城新開0既十勝豚丼...

我點左餐牌話必食0既烤薄豬扒飯 - $33

餐牌張相係幾吸引架, 又話必食, 我以為自己好穩陣, 點知... 0個幾塊豬扒仲鞋過樹皮(雖然我未食過樹皮, hehe...)

老公點左厚燒豬扒飯(大盛)set - $55

佢夾左幾舊比我試, 肉質嬾過我0既薄扒好多, 味道ok喎, 不過.... 原來碗飯裡面唔係舊舊都好味, 有d都係樹皮...

好差呀, 吉野家仲好味過佢好多呀~~

妹妹因為飯前見到有姐姐哥哥拎住d氣球, 不停話好靚好靚, 好想買, 成餐飯都食得唔安樂... waitress姐姐黎落order, 佢竟然同人地講:"我淨係想要波波咋!!!", 好彩人地聽唔明, 真係比佢笑死咗...

最後, 爸爸同左佢出去買, $40一個呀, 好貴呀!!