2010年的最後一天 (12/31)

12/31放工後, 我趁機去護協買妹妹0既日用品, 同埋一年一度可以買0既好美味朱古力!!
然後去左行街, 响THE ONE 0既Katie Judith買左一對boots同一件衫...
幾袋野拎死我0刺, 同老公相約左去旺角(佢想睇下換唔換做兄弟0個對鞋, 超級姿整的男人~~)...
最後冇換到, 原本諗住去一田買生蠔同刺身返屋企同老爺奶奶一齊享用(同完成我平安夜冇實現0既美夢), 不過被奶奶拒絶左, 於是我地就响旺角搵食...
周圍都好多人, 最後我地等到火山石手打烏冬...

好明顯, 呢間野係抄尖沙咀0既萬豚屋...

地獄牛肉烏冬 - 因為好攰, 所以叫返個地獄野0既醒一醒胃, 呢個不太辣, 味道ok, 但烏冬好少呀...

極上濃湯海鮮烏冬 - 呢個係佢地推介0既, D湯有好濃烈0既蝦膏味, 好好味呀!!

豬手 - 我地等位時見到有人食, 問出面帶位個姐姐佢話超正, 佢冇呃人架, 真係幾好味, 不過太飽, 我只食到兩舊, 其餘0既都係老公食哂, 哈哈, 勁呀!! 佢就黎變肥佬架0刺!!

返到屋企妹妹己經訓左, 佢0既除夕晚上就响訓覺中渡過...