MY GOD!!! 約左8:15食飯, 我竟然由7:00睇中醫睇到8:35....
馬師傅又幫我放左個袋, 冇電話聯絡唔到...
好彩佢地醒目識自己去, 如果唔係....
去到想試好耐0既生記茶餐廳... 呢間野日頭係茶餐廳, 但6:00之後就會變成膏蟹專門店, 好得意...
佢地唔係叫左好多野食, 但原來一夜左D好味野就會賣哂....
蜆肉春卷, 係因為蠔春卷賣哂, OH... 我下次一定要食到蠔春卷!!
我地8個人只叫左個細蟹粥, 再叫時已經賣哂!! 個粥好好味, D膏真係煲哂落D粥落, 唔似其他水蟹粥, 蟹還蟹, 粥還粥...
炸丸, 冇乜特別...
蟹飯, 都唔錯, 但我鍾意蟹粥多D!!
食完大家都覺得唔太夠飽, 所以去左寶石戲院隔離0既新忠記打冷...
呢條馬友, 勁好味, 好滑, 又好多油, 而家諗起都想再食!!
鵝腸, 其實我係第一次食, 又比想像中好喎..
煎蠔餅, 其實阿JOE已經買左一碟去生記一齊食, 因為好味, 再ENCORE...
辣酒煮花螺, 都幾辣, 份量好多, GOOD...
勁呀, 一晚食左兩餐呀!!
11/26-27
奶奶同阿MAP佢地相約呢兩日入大澳玩, 佢0既大澳朋友仲租左間棚屋比我地, 所以我地全部人都會响大澳訓一晚...
妹妹一早就跟左爺爺同嫲嫲入去先, 我等埋爸爸先一齊入...
趁屋企冇人, 執下野先...
好攰啊.... 等埋老公放工去到東涌已經10:00
我地搭10:30車入去...
去到11:00, 嘩, 好夜呀... 妹妹仲好精神....
佢地釣左條好大0既魚呀...
仲準備左隻鴨黎BBQ, 睇下! 李梓丹幾好戲, 真係好似好出力咁喎...
鴨同魚BBQ, 正.... 不過隻鴨就有排燒.... 聽聞佢地燒到6:00, 但最後都冇人食...
呢次入黎係慶祝奶奶生日....
後來因為妹妹好眼訓, 我地要先返棚屋休息, 間棚屋好大喎, 我第一次住....
就訓响呢度.... 講真.... 真係成晚都訓得唔好... 成日好似好痕咁, 唔慣呀...
第二朝起身.... 個景又幾OK喎, 好RELAX....
我地離開棚屋之後就响大澳朋友駿義龍體育會打躉....
呢D係佢地呢兩年扒龍舟得到0既奬, 好勁呀, 佢地已經夠資格做香港代表... 其實好想上去佢地上層睇下佢地其他關於扒龍舟0既野, 但講左幾次爸爸都冇同我上去, 可惜...
由我一到達, 妹妹已經話要帶我去睇白雪公主, 哈哈... 原來係咁0既..
先去財記食早餐, 嘩, 佢D野好貴架, 假日仲要係冇早餐食, 要散叫....
但貴得真係有道理, D面包勁薄, 好脆, 好好味!
然後我地出發去寶蓮寺, 沿路講起天葵茶, 我話我未飲過, 慧慧幫我跑返轉頭買, THANK YOU!!
爸爸渣車, 沿路見到有牛, 妹妹好開心....
然後爸爸返轉頭接嫲嫲佢地黎, 我地就周圍行下先啦...
昂平市集有泡泡, 岩哂李梓丹....
响九份手信店買的, 妹妹好欣賞個鐵蛋....
食埋豆腐花就返大澳, 開始我地0既HOT POT, 日光日白打邊爐, 我好似第一次囉...
呢隻八爪魚係新鮮的, 拖一拖就食, 好味到不得了...
佢地仲買左好多海鮮, 蝦, 蟹, 扇貝, 墨魚等等... 由於太好味, 我真係冇停過口, 好唔客氣係咁食係咁食, 真失禮...
仲有呢個青蝦, 貌似賴尿蝦, 但原來係唔同0既... 有幸食到一隻, 好甜好好味呀...
出發去睇白海豚, 大澳朋友載我地出去, 真好...
大海茫茫, 唔知我地好唔好彩呢??? 架船越開越快, 我就驚驚地, 但妹妹一D都唔驚, 仲HIGH到不得了...
可惜, 白海豚匿埋左, 今次無緣睇到, 不過沿路睇下風景都幾寫意0既...
呢間就係尋晚訓0既棚屋...
跟住我地再行去買茶粿食, 沿路日落0既風景好靚呀...
呢個茶粿入面係豆黎, 我唔太鍾意....
沿路見到好多人買, 又買旦撻同沙翁食, 我突然好似有十個肚咁...
其實跟住係再食左薑汁撞奶, 又係好好味架喎...
食飽飽, 係時候要走0刺...
碼頭都好靚....
11/22
今日係婆婆離開我地0既一個月, 我响公司OT, 8點幾先放工返屋企...
好掛住婆婆啊....
11/21
今晚約左SHIRLEY食飯, 好耐冇見0刺...
雖然冇見面, 但我地經常聯絡UPDATE近況的...
我地冇BOOK定位, 搭緊車去時响OR搵到呢間餐廳, 都幾多好評呀...http://www.openrice.com/restaurant/sr2.htm?shopid=51272
打去問, 佢話仲有位, 己經由尖東行到去金馬倫道0既SHIRLEY又要行返轉頭了, 辛苦哂...
HEHE.... 其實間餐廳一D都唔爆囉, 只有三份一人入座...
原本諗住食下意粉, 點知竟然有發現!!!
HKD388有一個海鮮拼盤, 抵呀!!!
大家流哂水口, 仲開始興奮起黎...
先黎六隻蠔, YUMMY!
嘩, 個拼盤, 仲有蝦, 龍蝦, 翡翠螺, 蟹腳, 好鮮甜的青口, 同埋魚子醬, 勁呀!!!
如果有多少少面包就好了, 因為魚子醬份量都唔少啊...
食完海鮮再黎面包, 好好味, 我食左兩個...
呢個就失色0刺, 水煮蛋牛咩意粉, 我地又凍左先食, 唔得....
呢間餐廳可以ENCORE, 下次試下佢地D扒先...
11/21
尋晚妹妹飲完奶, 突然話好想嘔...
我帶佢去廁所, 佢就好似大人咁將個頭烏落去廁所度試嘔...
望住佢, 真係覺得佢大個左好多...
11/20
以往大舅母每年都會黎香港一至兩次, 有時係去左越南再黎香港探婆婆...
我很喜歡呢位舅母, 佢响我地屋企0既女人當中比較優雅, 我喜歡溫柔0既女人....
婆婆唔响度, 舅母都應該會好少黎LU....
突然覺得好唔捨得, 唔知幾時會再見,...
佢今晚離開香港, 我同妹妹中午就入去元朗同佢飲茶...
到傍晚一齊走....
再見了! 希望可以快D再見你啊!!!
11/20
學校呢個星期派返萬聖節時影0既相, 妹妹好開心, 成日叫我地睇, 又介紹佢D同學仔比我識...
11/20
今日太趕住出門口, 冇幫妹妹紥辮添...
帶埋橡筋, 我地响西鐵攪攪佢...
妹妹話要紥同學仔芯芯0個種辮, 芯芯D頭髮比較短, 佢媽媽曾經幫佢响頭頂紥左條辮仔...
但妹妹你D頭髮咁長, 唔好睇架喎...
我嘗試紥低少少, 但妹妹唔滿意, 要求紥高D...
紥返高少少, 妹妹好開心喎 (傻婆...)
飲茶時, 妹妹突然將條辮除左, WAKAKAKA, 個頭亂哂呀, 我笑左佢一下, 隨即幫佢撥好...
冇為意, 妹妹個人越DUP越低, 最後痞到落地下, 原來因為我笑佢個頭亂哂, 佢覺得好冇面呀...
抱佢起身, 佢先喊出聲, 真的好唔開心, 氹左一輪先冇事...
呢個行為太奇怪了, 咁細個就咁要面子嗎?
11/19
賣完旗之後, 唔係返屋企, 我地要繼續忙碌0既一整天啊!!
原本妹妹話賣完旗想返屋企, 於是我同佢搭的士返去, 然後我先再去北角會合屋企人...
點知妹妹途中又突然改變主意, 話要跟埋我去, OH! MY GOD!!! 咁我就唔駛搭的士啦!!!
落左車等106, 剛好走左一架, 一等, 竟然等左半個鐘!!!
好彩都冇遲到啫, HEHE!!!
我地去左北角三德素食館, 以前覺得幾好味的, 唔知而家係差左定係自己試多左更好味0既齋菜, 覺得呢餐一D都唔吸引喎...
然後大夥兒飛的去歌連臣角, 舅母想走之前可以睇下紀念花園0既環境...
佢地覺得地方好好呀!!!
回程搭的士去尖沙咀, 因為大舅母約左朋友遲哂到...
妹妹開始不停游說細古古去我地屋企玩, 細古古又走唔甩0刺, 哈哈!!!
細古古响度, 我有機會訓一陣, 實在太攰0刺...
直至小穎姐姐放工黎到紅磡, 細古古要走了, 我又要起身0刺...
隔左一陣, 門鈴响起, 竟然係小穎姐姐, 原來細古古返屋企餵小冬, 佢就特登上黎做陪玩女郎等我可以再訓一陣, 你真好!!!
妹妹扭計要落去SIR SIR, 小穎又帶佢去... 我執埋D野都要落去0刺, 因為我地約左魚旦舅父响天后等, 一齊上去ANNE姐姐屋企打邊爐!!!
ANNE姐姐個肚好大0刺, 幾個人打邊爐好開心!!! 妹妹仲有藍精靈糖糖拎返屋企添!!
11/19
期待左好耐, 今日終於到0刺!!
妹妺0既第一次, 獻左比公益金...
幾日前學校己經比左旗袋我地, 我就開始解釋賣旗0既意義比妹妹知...
可是, 妹妹尋晚成兩點先訓, 叫極佢都唔肯訓, 一訓晏覺就好弊....
我十點鐘先叫醒佢, 好彩佢好叻, 一叫就彈起身...
10:30出門口, 妹妺仲係眼腫腫啊!!
天氣麻麻地, 但幸好冇落過大雨...
我地賣左45分鐘, 妹妹都算積極, 會叫人買旗, 如果食檸檬, 我地兩個就笑一下, 冇所謂啦!
好多人因為見到小妹妹賣旗主動過黎買, 多謝你地比D鼓勵呢位小妹妹啊!
賣完旗, 我地搭車去九龍城交旗袋...
响銀行出面見到好多一樣參與呢個活動0既小朋友呀...
影返張相先...
得到一張奬狀同買書的優惠劵...
11/18
今日第二次搵馬師傅...
照舊話我睡眠質素差, 血氣唔好... &脾氣唔好
原本馬師傅都係話唔好針隻手住, 因為都係收一個價錢, 唔抵...
除非比佢醫埋我0既睡眠質素... 哈哈哈... 佢話我其實應該醫睡眠質素多過隻手喎...
第一次獻給了馬師傅, 我合埋眼唔敢望...
第一針針响小腿, 佢話係幫助血氣的...
第二針針個胃, 因為我唔知係咪緊張得滯個胃好唔舒服, 唔知係咪多肉0既關係, 我一D都唔覺得痛...
第三針至第N針針响右手, 我冇望, 都唔知佢針左幾多針落黎, 我諗6-7針卦, 其實都幾痛...
然後就到戲肉0刺, 唔係最主要0既地方, 不過係我最驚0既地方....
一針拮响額頭, 一針拮响頭頂, 好驚喎!!! 仲要都幾痛...
師傅攞左支發熱野對住我個胃, 但支野越黎越熱, 頂唔住0刺, 我個胃就黎煮熟0刺!!!
冇辦法之下唯有擘大眼將支熱野校高D... 一緊張, 個頭又痛多左...
終於過左半個鐘0刺, 出到去, 醫生不停咀講夫妻相處之道, 好攪笑...
又約左下星期再睇...
