學畫畫第一堂

10/10

今日第一堂學畫畫, 多得芯芯媽咪介紹, 上門教真係好方便呀!!!

蔡老師係一個學生, 同佢响電話溝通覺得佢好細路女, 唔知教得好唔好呢??

因為天雨關係, 蔡老師遲左少少啊...

事不宜遲, 大家開始上堂0刺...

响屋企學0既好處, 係我唔駛搵地方HEA一個鐘, 响屋企做咩都得, 只要靜靜地, 又可以知道老師點教...

妹妹好有自己主意, 老師問妹妹想畫兔仔, 貓仔定車車, 妹妺話想畫魚魚...

老師都幾識同小朋友溝通喎, 妹妹都好聽佢話...

妹妹不嬲都唔多專心, 估唔到可以一個鐘好認真咁同老師一齊畫幅畫出黎喎....

完成圖... (用左油粉彩, 廣告彩同埋少少紙碎)



好0刺, 畫完畫要洗手0刺, 洗完手, 妹妹問老師:"我地而家做咩呀???"

好唔捨得老師走, 睇得出佢唔開心, 哈哈!!

係一個好開始呀!!!