10/19
今朝醫生終於打黎0刺, 佢話婆婆應該頂唔住了…
佢担心今日或明日…
我同佢講, 姑娘尋晚話量過哂所有野正常… 醫生話, 佢而家唔係睇數字了, 係睇樣…
佢話每個人身體都有個補償機制, 當身體好差時, 個補償機制會用身體所有力量去支持主要器官, 所以睇D數字係冇問題的… 但當補償機制都用完時, 個數字就會開始差, 咁通常一兩個鐘就會走…
之前大家都同意左, 唔會幫婆婆插喉, 因為只會加大佢0既痛苦…
其實仲有個豬咀氧氣罩, 但用左會將婆婆體入0既肺癆菌逼出黎, 仲衰…
因為今朝個血氧只有90%, 醫生己安排比高濃度氧氣50%婆婆…
而小便出血問題, 尋日媽咪話原來大便都有血, 佢吩咐姨姨換片時唔好講出黎, 費時嚇親婆婆…
醫生話佢地己經唔再研究係血定係藥物影響, 因為就算係血, 佢地都唔可以幫婆婆做D咩, 檢查或醫治只會加大婆婆負担, 不過D尿0既顏色而家唔算好嚴重了…
問過醫生, 佢同意比屋企人响非探病時間去睇婆婆, 不過只可以兩個人入… 再打去7N病房, 佢地好快都覆返可以比我地入去…
聽完呢個電話, 我諗先用幾分鐘去鎮定一下自己吧…
攞左個電話去後樓梯打比媽咪, 原來電話接通時, 都係開唔到聲…
媽咪同大姨即刻去醫院, 病房做緊野, 等左一陣先比入…
媽咪話婆婆半昏迷咁, 成日訓, 冇乜反應…
姑娘話婆婆會越黎越差…
好想即刻去醫院, 但唔可以輕舉妄動, 因為遲D仲有多假要攞呀…
最後決定攞兩個鐘頭, 咁就可以5點鐘準時去到醫院…
中間11:30去睇醫生, 一直都有少少血壓低0既我, 血壓竟然去到116….
其實全日都專心唔到做野, 只做左D急野就走…
去到差唔多5點, 唔知點解, 行入病房0個條路時, 個心會卜卜咁跳….
入到去病房, 見到婆婆自己一個, 起左一半身, 自己除左個氧氣罩, 嚇死我, 血氧得返64%!!!!!!!!!!
我即刻跑去搵姑娘, 佢地即刻幫婆婆戴返, 話夜D可能要幫婆婆戴手套, 以防佢又自己除…
唉, 婆婆好乖架, 我諗佢一定覺得好辛苦, 冇意識地自己除左…
雖然部機著哂又响但其實姑娘唔入開黎都唔會知囉…. 危險..危險….
婆婆真的迷迷糊糊咁, 手腳冰冷, 我地個個用手比D溫暖佢, 雖然佢其實唔凍, 仲成日將對手伸出被外…
醫生黎左, 佢同我地再講婆婆0既情況, 佢話因為婆婆個腦有好多廢氣, 所以會迷迷糊糊咁, 成日訓覺…
手腳冰冷係好正常, 因為身體好自然地用手腳的力量去幫助身體主要器官…
醫生話佢都唔知幾時 (咦, 你0既聲氣好似比今朝樂觀左喎…)
我地傾傾下, 我望到婆婆又起身除罩, 我即刻跑入去, 其他人都跟住我入病房, 於是大家同醫生0既對話就結束了, 好彩都己經講得七七八八…
媽咪話婆婆今朝突然好有力咁彈左起身三次, 每次一彈起之後個頭就冇力DUP低左, 好奇怪點解婆婆有呢個力量去彈起身…
雖然用左高濃度氧氣, 但婆婆血氧都係得93-95%, 並不太理想...
如果血氧去到九十頭, 就會幫婆婆轉用100%濃度…
婆婆不時會郁下手腳, 同埋要求飲水, 仲講到一兩句話...
一直陪婆婆到8:20, 李智恆話佢自己走先, 媽咪叫我都同佢一齊走, 好吧, 但一步出病房, 眼淚不由自主地係咁標出黎, 李智恆話不如留耐D, 但算吧, 我都唔想比屋企人見到我咁樣, 盞令大家都唔開心…
P.S. 婆婆甩左D頭髮响枕頭度, 好得意, 以前婆婆頭髮己經白哂, 但唔知幾時, 竟然生左D黑頭髮出黎... 我偷偷地攞左幾條返屋企留念...
今朝醫生終於打黎0刺, 佢話婆婆應該頂唔住了…
佢担心今日或明日…
我同佢講, 姑娘尋晚話量過哂所有野正常… 醫生話, 佢而家唔係睇數字了, 係睇樣…
佢話每個人身體都有個補償機制, 當身體好差時, 個補償機制會用身體所有力量去支持主要器官, 所以睇D數字係冇問題的… 但當補償機制都用完時, 個數字就會開始差, 咁通常一兩個鐘就會走…
之前大家都同意左, 唔會幫婆婆插喉, 因為只會加大佢0既痛苦…
其實仲有個豬咀氧氣罩, 但用左會將婆婆體入0既肺癆菌逼出黎, 仲衰…
因為今朝個血氧只有90%, 醫生己安排比高濃度氧氣50%婆婆…
而小便出血問題, 尋日媽咪話原來大便都有血, 佢吩咐姨姨換片時唔好講出黎, 費時嚇親婆婆…
醫生話佢地己經唔再研究係血定係藥物影響, 因為就算係血, 佢地都唔可以幫婆婆做D咩, 檢查或醫治只會加大婆婆負担, 不過D尿0既顏色而家唔算好嚴重了…
問過醫生, 佢同意比屋企人响非探病時間去睇婆婆, 不過只可以兩個人入… 再打去7N病房, 佢地好快都覆返可以比我地入去…
聽完呢個電話, 我諗先用幾分鐘去鎮定一下自己吧…
攞左個電話去後樓梯打比媽咪, 原來電話接通時, 都係開唔到聲…
媽咪同大姨即刻去醫院, 病房做緊野, 等左一陣先比入…
媽咪話婆婆半昏迷咁, 成日訓, 冇乜反應…
姑娘話婆婆會越黎越差…
好想即刻去醫院, 但唔可以輕舉妄動, 因為遲D仲有多假要攞呀…
最後決定攞兩個鐘頭, 咁就可以5點鐘準時去到醫院…
中間11:30去睇醫生, 一直都有少少血壓低0既我, 血壓竟然去到116….
其實全日都專心唔到做野, 只做左D急野就走…
去到差唔多5點, 唔知點解, 行入病房0個條路時, 個心會卜卜咁跳….
入到去病房, 見到婆婆自己一個, 起左一半身, 自己除左個氧氣罩, 嚇死我, 血氧得返64%!!!!!!!!!!
我即刻跑去搵姑娘, 佢地即刻幫婆婆戴返, 話夜D可能要幫婆婆戴手套, 以防佢又自己除…
唉, 婆婆好乖架, 我諗佢一定覺得好辛苦, 冇意識地自己除左…
雖然部機著哂又响但其實姑娘唔入開黎都唔會知囉…. 危險..危險….
婆婆真的迷迷糊糊咁, 手腳冰冷, 我地個個用手比D溫暖佢, 雖然佢其實唔凍, 仲成日將對手伸出被外…
醫生黎左, 佢同我地再講婆婆0既情況, 佢話因為婆婆個腦有好多廢氣, 所以會迷迷糊糊咁, 成日訓覺…
手腳冰冷係好正常, 因為身體好自然地用手腳的力量去幫助身體主要器官…
醫生話佢都唔知幾時 (咦, 你0既聲氣好似比今朝樂觀左喎…)
我地傾傾下, 我望到婆婆又起身除罩, 我即刻跑入去, 其他人都跟住我入病房, 於是大家同醫生0既對話就結束了, 好彩都己經講得七七八八…
媽咪話婆婆今朝突然好有力咁彈左起身三次, 每次一彈起之後個頭就冇力DUP低左, 好奇怪點解婆婆有呢個力量去彈起身…
雖然用左高濃度氧氣, 但婆婆血氧都係得93-95%, 並不太理想...
如果血氧去到九十頭, 就會幫婆婆轉用100%濃度…
婆婆不時會郁下手腳, 同埋要求飲水, 仲講到一兩句話...
一直陪婆婆到8:20, 李智恆話佢自己走先, 媽咪叫我都同佢一齊走, 好吧, 但一步出病房, 眼淚不由自主地係咁標出黎, 李智恆話不如留耐D, 但算吧, 我都唔想比屋企人見到我咁樣, 盞令大家都唔開心…
P.S. 婆婆甩左D頭髮响枕頭度, 好得意, 以前婆婆頭髮己經白哂, 但唔知幾時, 竟然生左D黑頭髮出黎... 我偷偷地攞左幾條返屋企留念...
沒有留言:
張貼留言