芯芯家

10/5
今日好忙呀~~
尋晚妹妹0既爸爸突然話佢地今日會去拜山, 嘩, 真係好突然, 我己經約左芯芯媽咪喎~~
因為要就芯芯訓晏覺, 所以中午我地先同婆婆, 細古古同小穎姐姐飲茶先... 一路飲茶一路唱歌(妹妹仲叫我地大聲D唱), 隔離枱都望我地,哈哈!
未夠鐘, 我地上返屋企HEA一陣, 食下甜品, 大古古都黎左呀...
妹妹好鍾意細古古, 因為細古古咩都會同佢玩, 佢地竟然對住個椅背當係睇緊戲 (仲要係3D電影啦, 要戴眼鏡...), 仲要講劇情, 想像力好豐富喎!!
差唔多4點先出發, 原本諗住去圖書館還書先, 點知原來公眾假期一點就收, 唉呀! 要袋埋5本書去美孚, 好重呀~~
我地只需12分鐘車程就去到美孚, 真係超快呀!!
芯芯媽媽黎接我地, 芯芯屋企好多玩具呀!!!
大家玩超級市場遊戲...

兩個小朋友都係獨女, 性格難免霸道D, 經常爭野玩同堅持要玩自己想玩0既野先, 哈哈..
玩左一陣, 我地落去樓下公園玩, 一個好大0既公園, 爸爸話係荔枝角公園...
沿路兩個拖住手, 好可愛的場面...

兩個小朋友响公園周圍走, 又玩BUBBLES, 又玩SIR SIR, 捉E因, 我跟住佢地都覺得攰呀...

玩到7點, 係時候返屋企, 下次再一齊玩過啦!!!
有時聽到佢地0既對話, 雖然好普通, 但都覺得佢地好得意!!
妹妹:"你係咪响美孚住呀?"芯芯: "係呀! 咁你住邊度架?"妹妺:"紅磡囉!"