和黃公園

10/8

今朝妹妹話要去何文田游水, 細古古又得閒陪我地去喎, YEAH!!!

可惜上網CHECK, 而家維修, 要11月先開返...

轉地點, 試試游說妹妹去和黃公園, 妹妹上次夜晚去完之後都唔肯再去, 因為黑忟忟搵唔到兒童遊樂場...

我地上網見到人地D相, 又有魚, 又有烏龜, 同埋... 真係有遊樂場架!!! 妹妹好雀躍!!!

約左2:15, 我地好肚餓呀!!!

於是先去醫肚, 妹妹鍾意食鰻魚, 諗住近近地一本都唔差, 點知... 唔好食0既!!!

冇野飲, 我叫左一罐可樂, 妹妹聽到我叫...

妹妹: 有可樂飲喎!
我: 你咳咳唔飲得呀!
妹妹: 我講比你聽咋!
可樂黎到0刺...
妹妹一見到: 黎吖黎吖, 我陪你飲吖!!!
我: 我駛鬼你陪呀?????
唔好以為你咁講我會上當喎!!! 知自己衰, 妹妹即刻靜左, 食自己0既飯...

今日下晝去和黃公園, 感覺好唔同, 冇咁陰深恐佈...

一入公園門口, 就見到好多鴿, 勁呀!! 真係好多!!!! 佢地唔驚人架!!!



呢度, 多到我有D驚, 唔知係咪因為D毛, 我覺得喉嚨唔多舒服~~



再行落去, 好多魚同烏龜!!!



沿路見到有人帶左隻鸚鵡黎喎!!!



嗱, 終於搵到遊樂場0刺!!! 唔算多人, 但得好少野玩...



妹妹成日跟住呢位BB, 但BB岩岩先學緊行, 我地好怕佢會整跌BB呀!!!