萬聖節準備...

10/9

一年一度0既萬聖節又就黎到0刺, 小朋友就最開心, 因為可以扮鬼扮馬…

今年我一心諗住要妹妹扮成一個女巫, 點知妹妹自己己經有主意, 佢要扮cinderella, 2^ND CHOICE係白雪公主!!!

今日我地就去反斗城睇衫, 我拎哂兩款比佢睇, 佢都係揀CINDERELLA!!

不過因為款式太普通, 爸爸游說妹妹做白雪公主, 搵左張相比妹妹睇, 妹妹一口答應!!

而家仲爭對鞋同頭COOL…

今日仲有去冒險樂園, 玩左火車…

同埋做左件老土事, 影貼紙相!! 而家影貼紙相好貴呀, $60呀!!! 不過又都幾開心0既.... 記得上一次影貼紙相係妹妹幾個月0既時候, 0個陣妹妹咩都唔識, 佢而家識0刺, 仲識少少擺POST添!!!  不過根據爸爸0既意願, 我唔可以POST D相出黎!! 

去完冒險樂園, 諗住離開聚寶坊啦, 但妹妹要求行相反方向, 原來佢想去KFC食雞!!

原來佢記得上次我帶過佢去冒險樂園, 然後就係去食雞, 又搣比佢食, 我諗佢一定覺得好開心,今日又重覆做呢件事, 要我搣比佢食, 仲一路食仲一路話下次媽媽再帶佢去樂園同食雞!  但其實我上次只係因為攰得滯唔想行先食雞咋, 家鄉雞太油, 我唔想你食咁多喎…