打機

2/3

個胃尋日冇乜事, 今日又黎痛過, 好辛苦呀...

好彩家姐病左CANCEL左今日0既生日飯, 如果唔係都唔知點算...

放工8點先返到屋企, 奶奶準備左打邊邊... MAP佢地已經黎哂...

好唔舒服, 望住D野食但又唔想食, 真可憐...

原本11:00可以沖涼訓覺, 點知就响呢一刻妹妹扭左一個鐘頭計.... 唉...

妹妹已經掛住打機食飯食好少野, 我臨沖涼佢叫我同佢玩一舖賽車, OK, 只玩一舖我就要沖涼0刺...

平時妹妹都好乖, 話過一舖就一舖, 點知今晚我足足信左佢三次, 每一次玩完都唔肯熄機....

為左打多舖機, 勁喊, 同我糾纏左好耐...

我偷偷地將部NDS比左嫲嫲收埋, 話NDS走左, 但妹妹繼續狂喊, 要玩...

想撇甩佢, 但佢又捉住我, 佢又激動, 又怕佢撞倒...

個口淨係識講"玩多一舖!!!!", 我唔會再信你0刺...

掉低佢响SOFA, 佢極速又捉返住我....

狂喊, 唉, 為左打機狂喊.... 不過我知佢好眼訓....

後來抱佢坐低, 我唔掂佢, 唔望佢, 由得佢坐响我大脾上面扭計, 佢扭扭下就合埋眼, 扒左落我度訓著左...

抱佢返入房訓, 好奇怪, 上一分鐘係魔童, 呢一分鐘又變返隻小天使0刺...

我地決定唔會將部NDS攞返出黎, 爸爸又即刻將電話0既GAME DELETE再大部份, 冇辦法, 呢排真係太沉迷0刺, 我地唔想害你呀!!!

P.S. 今日嫲嫲要去街, 叫左姑姨婆湊妹妹返學, 校車未黎, 妹妹竟然同姑姨婆講校車塞車, 叫姑姨婆同佢去玩, 好奸呀!!!