大年初二

1/24

大年初二...

今日行程編排得密密麻麻...

一起身就要準備去媽咪度拜年, 去到阿佳同ZOE已經到左...

佢地今年第一年派利是, 恭喜發財!!!

原本計劃去飲茶, 但媽咪後來提議煎糕食, 都好啊!!

因為只有年糕同芋頭糕, 年糕兩塊等如一餐飯, 我食左三塊就唔敢再食, 芋頭糕我又唔好, 呢餐食唔飽添...

二點出發去歌連臣角同婆婆做節, 婆婆恭喜發財, 身體健康!!! 我地冇乜野準備, 只買左婆婆鍾意食0既KFC雞亦...

肥妹未到我地就要走0刺, 我地約左5:00响金鐘一齊上青明屋企...

魚旦舅父送左去韓國0既手信!!!

嘩, 真係勁多人, 有三十幾人, 又有好多小朋友同妹妹玩, 真開心...

青明開左幾支紅酒, 有兩支好好味呀!!! 

仲有姜醋食, 我至愛, 骨膠原骨膠原骨膠原....

食完都飽左大半0刺, 我地決定唔去食飯, 直接過LAW記屋企...

8:00起程, 行過去直接上天台睇煙花, 可惜, 比D樓遮住左, 得一條隙睇到...

一路飲香檳一路睇, 都好正呀...

落返去, 妹妹肚餓, 叫麥麥送, 原來大家都好想食野...

差唔多十一點, 原來妹妹話眼訓, 我地準備走時, 阿CAT一家四口又返黎, HAHAHA, 妹妹見有小朋友一齊玩又唔肯走0刺...

等埋肥仔佢地黎, 大家玩廿一點, 賭錢加賭酒, 開左SAKE同白酒, 勁好飲呀!!! 我最後WIN左$20!!

返到屋企已經十二點幾0刺...