大年初一

1／23

恭喜發財!!! 龍年行好運!!

大年初一，年年都係一樣, 主要去阿嫲度拜年，3點幾去到坐唔夠五分鐘就一齊返我地屋企...

今年新年落雨, 真掃興, 我最唔鍾意落雨...

因為阿嫲未食野, 我地買左塩焗雞同炒粉面返去開餐, 6:00就食晚飯...

買雞時, 李智恆見到有間水族館有開(漢記水族....年初一都開...後來先知係黑店), 我地即刻入去買藥...

店主話因為水溫差異大, 要落暖管, 要將水溫調校到27度...

再買藥水滴, 唔駛將條魚隔離...

條暖管, 雖然校到27度, 但水溫慢慢去到30度... 

李智恆睇睇下電視, 望到有D異樣, 問我點解有條魚咁懶, 自己唔游,由得D水沖黎沖去.... 

一望, 下? 條魚有事呀!!! 佢唔游0刺!!!!

其他魚都不停浮上水面抖氣, 而唔識游0個條魚最後都死左....

奶奶話D水太熱, 我地係煮死左條魚嗎?

呢條魚係新買架.... 我地害死左條魚...

好驚囉, 好恐佈...

李智恆熄左條暖管, 再換左D水, 慢慢D魚開始生猛返...

唉, 犠牲左一條生命....
年初一, 真係大吉利是囉...

趣事: 妹妹拎個白雪公主公仔比姑姐睇, 姑姐拎住個公仔問妹妹公主似唔似姑姐, 妹妹個樣變得好難為... 姑姐再問多一次, 妹妹就話:"呢個係白雪公主喎.... 你係咪認錯左呀? 白雪公主係似我架喎..."