大年初四 - 東頭村之友團拜

1/26

大年初四，今日爸爸要返工, 我起身就煮飯比妹妹食, 妹妹今日竟然食左一個大飯碗0既飯, 好厲害, 個飯碗比普通飯碗大, 我仲諗住妹妹食唔哂就比我, 點知.... 

爸爸話一陣魚旦舅父上黎整IPAD, 下??? 我面都未洗喎!!!

仲要幫妹妹沖涼.... -___-"

IPAD最終都係唔夠時間整, 我地坐埋魚旦舅父車一齊過去九龍灣德福美心皇宮...

今年因為阿牛屋企租左比人, 唔可以去佢度團拜, 唯有BOOK酒樓...

好彩我地有兩圍半, 酒樓比左四圍0既地方我地, HEHE... 多左好多地方比小朋友玩...

得閒過去十三張度睇下牌(我運氣都係麻麻....), 得閒照顧下D小朋友,都好忙呀...

 

我地一共有32人, 其中12個係小朋友, 小朋友都佔一圍...

妹妹好鍾意同小朋友玩, 又玩麻雀, 又玩UNO, 開席之後又一齊玩狐狸小姐幾多點, 爭櫈仔,佢太細個, 比D姐姐撞到飛起左, 但佢都繼續要玩, 其他小朋友都好就妹妹, 佢輸都唔當佢輸... 妹妹玩到頭都濕埋...

原本以為美心係信心0既保証, 點知, 食物差到冇人有....

炸雞係梅0既, 連雞亦都可以係鞋0既...

紅豆沙個湯丸, 我冇食, 佢地話入面係硬0既, 未煮熟, 唔投訴都唔得...

回應只係送生果盤, 真係多謝哂喎!!

咁0既食物同SERVICE, 想再幫襯佢地都幾難...