要命的星期六 - PART 3 - 黃大仙

食完早餐, 我地去百佳買左D零食, 然後返屋企...

嫲嫲同爺爺話要去黃大仙同太太飲茶, 妹妹唔去, 咁OK啦, 點知當嫲嫲發現要同太太去睇醫生時(太太唔小心整親), 妹妺突然又話去(玩野~~)

佢地兩個要陪太太睇醫生, 冇辦法可以照顧到妹妹, 於是我就自發陪埋一齊去啦...
去到黃大仙先飲茶, 然後要去旺角睇醫生...

但嫲嫲叫我同妹妹响太太屋企訓, 等佢地返黎... (咦? 乜唔係一齊去咩?)

上到太太屋企, 我地兩個都唔知做咩好... 好悶喎!!

發現婆婆有個miss call, 馬上回電...

原來婆婆問我地去唔去元朗探太婆, 好啊! 當時2:30, 時間尚早, 馬上去!

落到樓原來唔係咁順利的, 妹妹要去公園玩, 好吧, 就比你玩一陣啦...

玩左幾個字都唔肯走, 買糖同薯片都氹唔到佢走...

玩到尾聲, 佢見有3個哥哥坐响地下玩, 佢又離遠少少痞响度...

我行埋去..

妹妹問:"咩黎0既?"

我話: "陀螺呀!"

妹妺話: "我地一陣去買吖!"

我一路抱佢走, 一路話: "好啦, 我地一陣買啦! 咁0個D咩黎架?"

妹妹: "傻婆!" (哈哈哈哈!)

我笑到碌地: "係陀螺呀, 你就係傻婆!"

夜晚同爸爸講返, 爸爸竟然估到妹妹講"傻婆"喎, 原來佢之前見到個小朋友都係咁講... 但

真係好好笑啊!!