要命的星期六 - PART 1 - 家長日

尋日過左一個驚人又攞命0既星期六, 講出黎其他人都戥我攰, 哈哈...

第一件事, 就係我期待已久0既家長日, 學校編排左早上9:15, 好早~~

我8:00就起身, 準時到達學校...

學校編排外藉老師DARRYL同我面談, 佢話KAYLEE响學校好開心, 同她同枱0既女同學相處得好好, 結識左好多朋友...

DARRYL仲話KAYLEE各方面都冇問題, 尤其唱歌方面特別好...

因為DARRYL係比較新0既老師(他之前响九龍塘任教), 所以我並唔太期望响佢口中可以知道太多, 況且我之前都同陳主任傾過好多次電話...

走時, 响學校大堂見到陳主任, 又傾左一陣...

陳 主任話KAYLEE各方面都OK, 學術上都跟得上(因為細B關係), 唯一問題係依然坐唔定, 坐幾分鐘就會開始向下扇, 佢地有試一D方法令佢冇咁容易扇落黎, 例如故事時間分兩排坐時刻意比佢坐後排, 等佢前面有D椅頂住... 又或者有時坐椅, 有時坐地墊, 等佢有D新鮮感...

有一趣事, 有一次堂上填顏色, 每樣野要用唔同顏色筆顏, 妹妹有聽話用唔同顏色筆, 但每樣野只填少少就了事, 於是陳主任再叫佢填滿, 妹妹竟然將張紙反轉, 然後大筆大筆咁劃去填滿張紙(因為佢唔想比人規限住)(咁都有~~)

學校派左妹妹0既發展報告同學習評估表, 仲有隻PHOTO CD, 點知...原來DARRYL執左另一班0既比我, 哎呀, 咁都有架???

我最想知0既野就响哂入面0刺...

呢張相係岩岩返學時影的, 我都有一張...

個人和社會發展觀察分析

大肌肉/小肌肉發展觀察分析 (又係呢個招牌POST..)

仲有其他細節, 不能盡錄..
然後係一D作品...

而成績呢... 英文80分, 數學89分, 中文95分, 常識100分... 妹妹0既成績, 同我預計中0既係完全相反, 我以為佢英文會最好, 常識最差喎... 同佢一向0既表現一樣, 音樂又係最高分...
普通話老師0既評語係妹妹0既自理能力較弱, 呢方面我地要多加努力先得...