大年初四 - da契契屋企拜年

年初三打完邊爐返到屋企好肚痛, 第二日都仲係唔舒服...

妹妹0既姑婆一家黎拜年, 妹妹訓左, 招呼唔到大家添...

訓到成4:30都未醒, 冇辦法0刺, 要摷醒你0刺, 我地遲大到0刺...

妹妹全日都唔肯食野, 搭車時開始肚餓0刺, 要食腸仔飽...

去到da契契屋企, 見到契妹tiana0刺!! tiana而家兩個月, 眼仔碌碌好得意喎!!

眾契契同tiana影返張合照先...

妹妹成日好想同tiana玩喎, 仲唱歌比佢聽添...

dinner食pizza hut, 街外野妹妹都係麻麻地, 只係食左少少野... 而媽媽就唔知點解, 勁食, 勁食又勁食...

爸爸早走去同學團拜, 我地食完飯就過去join佢一齊返屋企, 去到岩岩有魚食, 妹妹都食左d....