好恐佈, 嚇死媽媽....

呢排, 妹妺開始變成一隻鸚鵡, 人講乜佢又講乜, 無論响屋企(跟我地講), 响舖頭(跟SALES講), 响餐廳(跟其他食客講), 都不停重覆人地0既說話...

星期六, 妹妹抱住個公仔, 放佢响梳化, 一路講: "妖! 疴左屎! 妖!!", 我嚇一嚇, 點解妹妹會咁講0既??? 平時我地都唔會妖佢疴屎架喎?! 我冇出聲, 因為, 照計, 呢D衰野, 越叫佢唔好講佢就會越鍾意講, 唔理佢佢可能會慢慢唔記得講...

尋日朝早, 爸爸落左去買早餐, 我地開youtube睇barney, 妹妹又突然對住個mon話:"chiu(同超差唔多啦!)! chiu! 唔岩呀!! chiu! chiu! chiu!" 個chiu字仲講得多過真係要講0既野, 我好驚呀, 最終忍唔住話佢唔可以咁講...

好彩今日暫時未有驚嚇語句, 嚇死我0刺!! 以後要小心講野呀!!