同婆婆一齊搭西鐵再轉隧巴去北角, 好想快D見到爸爸呀, 爸爸係我救星!!
落巴士舅父剛好黎到, 即刻幫我抱住妹妹, 妹妺將條頸貼住舅父條頸, 好耐都唔郁, 好似好舒服咁啊…
我地上舅父家坐左一陣, 然後去權發食飯…
舅父上星期開始病, 都幾嚴重, 今日見到佢都好返好多, 可以食返D正常野0刺…
去到岩岩叫左野食, 妹妹就話要換片, 疴屎屎…
冇諗過出黎咁耐, 己經冇SPARE片0刺, 點算呢?
舅父帶我地去買, 然後上舅父屋企換片…
好攰啊, 又唔比舅父抱…
原來冇疴屎, 只係條片好厚, 唔多舒服啫…
換完又行返去酒樓啦, 雖然唔遠, 但都好頻撲…
坐低D餸差唔多黎哂0刺, 食左少少, 妹妹又黎扭0刺, 我抱住佢, 佢就POO左一聲, OMG!!!! 今次真係疴左!!!
救命呀!!! 又要去多次!!!!
再返黎0既時候己經攰到唔想食… 0個陣己經10點…
回程返屋企, 妹妹好似食左興奮劑咁, 一路玩到癲哂, 一路走又一路叫, 我真係冇佢咁好精力…
要命的行程: 大埔à黃大仙à元朗à北角à大埔, 香港一日遊, 勁呀!!
太婆星期四出左院, 真好, 而家醫生開左另一隻心臟藥比太婆食, 婆婆話佢好似比之前好, 聞氣都唔駛咁高度數…
太婆見到妹妹就會好開心, 所以… 幾辛苦都入去啦…
妹妹响公園玩完, 好攰, 又眼訓, 當地鐵去到太子轉車後, 佢就訓左0刺…
好彩每程車都有人讓坐 (香港人心地真好!!), 如果唔係, 我諗我都會暈低…
好辛苦地終於到朗屏0刺, 一到OK門口, 妹妹就醒左, 見到扭波波即刻醒哂, 然後我地响OK買野食, 婆婆同媽媽食甜筒, 妹妹就食糖…
去到太婆家, 太婆精神好好啊! 見到就開心!!
婆婆又提議一陣一齊去北角同大舅父(阿佳)食飯, 因為婆婆要去問舅父攞D帖…
於是, 坐左兩個鐘又起程了…
見完家長我就由學校行返屋企, 路程要20-25mins, 而家通常得我一個人我都會選擇行, 因為經常每程十幾蚊的士好似唔多化算啊...
返到屋企樓下, 打比嫲嫲爺爺問佢地駛唔駛買野食, 點知佢地己經準備左去大埔中心食早餐, 叫我响樓下等埋一齊行, 於是我又行左15mins去大埔中心...
妹妹好似唔多鍾意d野食, 只食好少咋...
2/17
放學陳主任話比嫲嫲知妹妹扭計…
夜晚同妹妹沖涼時我問妹妹返學點, 妹妹話”喊喊”, 然後滿面唔開心0既表情, 但唔識再表達落去…
2/21
嫲嫲湊妹妹返學時, 一落的士妹妹就係咁喊, 話唔返學, 要去搵爺爺, 太太…
再加上妹妹最近手冊上0既表現差左, 莫非有D咩事發生?
媽媽於是致電陳主任…
陳主任話:”冇野喎! KAYLEE同平時一樣喎! 嗰日扭計只係一返到課室流左兩滴眼淚, 我呵返佢好快就冇野0刺!!”
媽媽:”咁今日呢? 佢係咁喊話唔返學, 唔肯入學校, 最後係比黎副校捉入去架…”
陳主任:”但佢上到黎己經聞歌起舞, 因為上到黎岩岩好做早操時間0刺…”
陳主任話可能因為嫲嫲之前入過醫院, 行開左幾日, 所以妹妹返學唔捨得嫲嫲所以喊, 嫲嫲2/15出院, 2/17第一日送妹妹返學, 時間非常吻合…
陳主任仲好多謝媽媽話佢知呢D野, 因為學校樓下返學0既情況佢睇唔到…
至於手冊上0既表現, 佢話新班主任mr. darryln要求比較高, 同埋而家下學期開始, 學校要求小朋友除左做到指令之外, 仲要有回應, 手冊上0既表現可以顯示每個星期0既差別, 比佢地慢慢去進步…
陳主任仲叫媽媽唔駛担心, 如果小朋友連續幾日响情緒上有異樣的話, 佢地一定會主動聯絡…
疑團解開, 放心了….
今朝妹妹換好哂衫, 突然同嫲嫲講BYE BYE, 話”媽媽同你搭車車”(仲係你我不分囉…), 上到車, 自己話”一陣返屋企, 而家返學先!”, 的士一到, 都未落車, 就同媽媽講BYE BYE, 似乎冇唔想返學喎, GOOD!
嫲嫲2/15下晝出左院, 但因為2/16要去法國照動脈, 所以仍需要其他人接送阿女放學...
d大假已經用得七七八八, 突然要放咁多日假確係有d難度, 於是2/15我叫左爺爺幫手湊放學, 而2/16就叫婆婆, 真係個個都搵哂...
因為婆婆冇我屋企鎖匙, 又冇接放學証, 所以佢响2/15下晝特登黎攞, 真係辛苦哂...
我相信婆婆都好樂意幫手湊佢個乖孫放學0既, 佢仲好緊張, 好早就出門口, 11:30已經到左0刺... 11:40見有d搭校車0既小朋友走, 又打黎問"係咪放得學0刺?"
妹妹每日放學都要買面包食, 婆婆今次响元朗買定, 又同妹妹去百佳買朱古力同yogurt...
婆婆話妹妹同佢兩個人0既時候, 好乖好聽話, 但後尾爺爺同嫲嫲一返黎, 就即刻變左第二個人0刺...
2011年0既情人節我地兩公婆一齊放假, 唔係因為夾定一齊放假慶祝, 而係因為奶奶前兩日個心唔舒服入左醫院, 我要放假湊女, 咁岩爸爸公司冇乜野做又叫佢放假, 真係咁岩得咁橋...
一早我地送妹妹放學, 然後响對面茶餐廳食個早餐...
再起程去大埔墟街市買餸, 兩條水魚亂咁撞亂咁估, 買左一大堆野for妹妹午餐同大家0既晚餐...
首先我地買左條魚, 我地兜左幾個圈, 終於搵到最似賣海魚0既一檔, 叫鴻星, 每種魚都得一兩條, 似呀! 買左條紅x(唔記得左個名...
), $48, 唔知有冇比人搵笨呢??
半斤豆苗+半斤菠菜...
5隻農場蛋, 都幾香架, 又冇日本蛋咁貴...
兩盒史雲生清雞湯, 唉, $12/兩盒, 後來去到百佳原來$10.9/3盒呀, 我地個樣真係似水魚嗎?
然後再去百佳買通粉, 吞拿魚同蘑菇湯, 咁就可以煮午餐比妹妹食0刺...
返到屋企休息一陣再出去接妹妹放學, 妹妹見到我地好開心, 爸爸媽媽第一次一齊接佢放學呀, 佢講左幾次"好開心!"呀...
朝早我比左婆婆買0既一支心型糖糖比妹妹返學送比陳主任, 仲教佢講":i love you, 送比你", 點知放學仲見到妹妹渣住支糖喎, 我問妹妹乜唔係送比陳主任咩? 陳主任話妹妹只係响書包拎支糖出黎, 對住陳主任講i love you, 跟住又放返支糖入書包, 呢個動作做左幾次, 但都冇送到喎... 我叫妹妹而家送啦, 點知佢比陳主任, 自己隻手又唔放(唔捨得支糖), 最後陳主任送左條瑞士糖比佢, 交換禮物, 大家都開心...
妹妹食住面包返屋企, 食左一個迷你腸仔包同一個芝士包, 我整0既忍廉蘑菇吞拿魚通粉, 佢只食左一啖, side哂我d心機呀!!
老公去探奶奶, 我就煮定飯, 不過呢餐飯一半係失敗左....
蒸水旦 - 3隻旦用1盒半雞湯(依足指示啦!!), 蒸左15mins, 冇水咯喎, 正!! 放上枱再整其他, 點知多手0既妹妹攞左把較剪响度剪雞旦, 剪到碟野爛哂, (唉, 我未影相架!!), 不過就係佢剪左, 又比我發現碟旦好似未熟哂喎, 於是再蒸5mins, 最後總算食得...
炒豆苗 - 第一次炒菜, 我已經上網跟足指示, 炒完之後自己試過都ok呀!! 不過到爸爸返黎, 碟菜已經凍哂... (尋晚奶奶又炒, 我先發現, 原來我係炒得唔夠淋, 下次我知架0刺!!)
豉油雞亦 - 上次整過, 今次都差唔多煮法, 好彩老公話幾好味...
蒸魚 - 蒸完條魚, 比老公破口大駡, 問我點解要蒸哂成條魚, 咁多點食得哂...
原本我讚埋油0既, 但懶隋0既我冇將支鑊鏟抺到全乾, 滾油時勁彈油呀! 好驚! 最後都係叫老公整... 好彩條魚冇買錯, 勁滑, 妹妹食完飯都勁食呀...
除左食淨左d豆苗, 其他野都清哂, 妹妹仲食左好多飯添 (可能d飯淋得滯, 反而岩哂佢..)
尋晚, 媽媽一餐飯, 由7點半食到9點半…
開頭, 妹妹一定要媽媽陪住睇卡通片, 唔要爸爸陪, 要坐响媽媽大脾上睇, 放低一齊坐响梳化都唔得…
食飯只要媽媽餵, 但只食左大約1/3碗飯, 隔左一陣開始扭要食紫菜…
媽媽話: 又食? 頭先咪話食完唔再食囉?
爸爸話: 正餐你又唔食, 淨係掛住食紫菜, 唔得呀!
妹妹開始喊, 死扯住媽媽唔放(唉! 呢D時候又唔搵爸爸…), 狂喊, 好激動, 喊到成個人濕哂, 塊面紅哂…
爸爸仍然堅持: 唔得呀! 我地就係就得你太多!!
媽媽抱住妹妹, 氹佢: 我知道你好想食紫菜, 但你唔食正餐係唔得架, 一係你食埋D飯, 媽媽即刻拎比你食!! (Dr. Poon教0既野大派用場!!)
但係妹妹唔肯, 好似咩都聽唔到咁, 只狂叫我stand up! 去攞紫菜!!
媽媽知道妹妹諗咩, 平時都係咁食, 做咩今次突然唔食得喎!!
媽媽再嘗試同妹妹講: 咁啦, 你食兩啖飯, 即刻攞紫菜! (妹妹你食啦, 咁大家都易落台啦!!)
妹妹咁硬頸, 當然唔會就範…
媽媽退一步: 唔好食紫菜啦, 不如媽媽比粒開心果你! (都唔肯, 唔似你喎李梓丹…)
一係落去兜個圈? 唔要!!!
妹妹繼續狂喊, 己經半個鐘… 似乎唔再係為紫菜咁, 係為啖氣, 因為其他好味野佢都唔肯再要…
媽媽唔想再糾纏 (是失敗了嗎?), 最終, 比左一小角紫菜妹妹…
但係妹妹覺得唔夠(一小角, 媽媽你玩我嗎?), 一路將紫菜塞入口, 一路大嗌: 大塊d!!!
其實好好笑, 但又要忍住…
媽媽即刻將妹妹塊紫菜搶返, 好嚴肅地問: 你食唔食??
妹妺好認真, 好冷靜咁答: 食!
於是媽媽比返塊紫菜妹妹, 然後行開…
妹妹食完紫菜, 捉住媽媽: 我想食飯!!
媽媽突然好感動, 鼻酸一酸 (其實喊到咁, 媽媽係有點心痛, 因為佢己經喊到野都講唔到...), 你咁乖0既??
媽媽即刻餵左妹妹一啖飯, 點知…….
妹妺即刻推媽媽, 大嗌: 去攞紫菜!!!! (吓??????)
原來頭先講0既野佢係聽到架, 為左再食紫菜, 佢食多一啖飯!!
媽媽唔可以食言, 當然要比紫菜啦…
食完, 再提媽媽要去兜個圈, 媽媽真係服左你!!!
