剪髮

上星期日爸爸自己出左去同b仔睇衫, 但後來臨急臨忙先叫埋我地出, oh…半個鐘可以幫自己同妹妹準備好出門口, 簡直係好驚人0既紀錄, 女人為左買野真係咩都得…

出門口前, 妹妹响媽媽個袋摷左個奶樽出黎, 出門口都堅決要邊飲邊行, 媽媽响走廊同妹妹糾纏, 妹妹好硬頸, 媽媽企响度同妹妹講: “你要楂住個奶樽咁你自己返屋企啦, 媽媽自己去0刺, 你唔好去!!”, 妹妹回頭走黎捉住媽媽隻手, 旨示一齊繼續行…. 媽媽唔肯, 好用力先搶到妹妹手中0既奶樽, 妹妹好激動, 喊哂…. 吵鬧聲驚動到附近一間冇關門0既鄰居, 姨姨問: “妹妹唔肯行呀??”, 媽媽答: “唔係呀, 佢要楂住個奶樽邊飲邊行呀!!”, 哈哈, 扺比姨姨話: “唔得架, 好醜怪喎..”, 冇諗過妹妹會有咁0既反應, 佢即刻呢埋媽媽後面, 哈哈, 知醜呢??直至媽媽叫妹妹同姨姨bye bye, 妹妹先現身bye bye….

下晝, 我地去左魚旦舅父度整電話, 魚旦舅父幫妹妹剪頭髮, 開頭, 妹妹唔知做咩事, 好似好乖咁, 咁魚旦舅父就極速幫妹妹剪左幾下…

但幾十秒之後, 妹妹開始唔掣0刺, 掙扎, 走人…

直至夜晚, 先成功幫到妹妹影到呢張岩岩蠶蠶0既完成圖…