Play house @ mega box

爸爸星期二好早放工，帶左妹妹同嫲嫲黎mega box搵我食飯，一場黎到，就帶妹妹去玩新野啦！ Play house岩岩開，地方唔係好大，不過收費好平，我地三個大人加妹妹都係收$78，仲可以全日任玩添！ 其實場裡面唔係好多野玩，有波波池，sir滑梯，同埋一啲車仔啦，我就覺得唔夠多，但貪玩嘅妹妹就覺得好開心0刺.....

哈哈...第一次玩波波池呀!!

爸爸埋左响d波波入面呀!!

玩左兩個鐘妹妹都唔肯走，我地三個大人個肚打哂鼓，同親佢講去食mum mum佢就即刻耍手擰頭，後來我諗到一個方法，hehe...

就係由入面開始每樣咁玩下玩下逐步退出門口, 不過….媽媽好似當妹妹係傻0既咁, 哈哈,妹妺一出到門口當然唔肯啦, 佢反應超大(梗係啦, 有比人呃左0既感覺呀…), 勁喊, 話要入返去, 唉, 失敗左, 唯有比佢入返去啦, 不過人地個場一邊係入口, 一邊係出口, 小姐你都要行返去入口0個邊入去架喎…. 李小妹完全唔聽人講, 一定要响出口入返去, 連其他人都笑佢呀, 瘀皮呀!!!!  最後工作人員姐姐唯有開出口度門比佢入返去…..

已經8點幾, 妹妹你唔食媽媽都要食架…. 媽媽繼續諗辦法…. 好, 試下咁先….

媽媽抱住妹妹玩緊, 突然同爸爸講: 喂, 爸爸呀, 不如我地去買朱古力食咯….

爸爸好厲害, 咁突然都入到戲喎: 咦, 都好喎, 去買朱古力食….

媽媽就好平淡咁問妹妹: 咁妹妹呀, 我地去買朱古力食好唔好呀….

中招0刺, 哈哈!! 妹妹居然話: 好呀!!!!

大成功!!!!

下次要試下去Play Town玩, 觀塘0個間8/7開呀!!! 不過要星期日早d去, 唔好再搵自己笨0刺….

原本見妹妹咁鍾意响呢度玩, 有考慮响呢度幫妹妹開birthday party, 不過, 我諗妹妹都唔會肯留响個party area囉, 咁即係side氣, 壽星女切蛋糕時間仲响度玩緊波波池, 死都唔返黎, 肯定勁尷尬啦….. 我地都係去契契度慶祝0刺….