妹妹咁鍾意動物, 有機會當然要比佢多d接觸, 我地尋日就去左Happy Farm.....
我地之前已經買定票, 嫲嫲尋日突然話一齊去, 所以我地去到要買多一張.... 但好驚嚇0既事發生左, 就係去到先發現門票己經售罄, 死啦, 山長水遠黎到, 又要嫲嫲返屋企?? 好彩响售票處醒目0既爸爸聽到有人話想退票(因為太多人, 大會進行人流管制, 大肚婆唔想排隊, 要求退票), 即時問佢可唔可以讓一張比我地....
其實....都唔係排太耐咋喎... 入到去都比我地想像中舒服, d動物唔算好臭....
會場入面有bunny
有羊羊, 我地都有餵羊, 但妹妹興趣不大.....睇羊0既時候發生左一件小插曲, 我地响一個羊欄外面睇緊羊, 妹妹又跑左去另一個羊欄度, 我地就跟住佢過去啦, 之後我地响度餵草比羊食, 又研究d羊鍾意食咩草, 飲唔飲奶, 突然....就發現妹妹唔見左, 三個大人睇住一個小朋友都睇唔到咩??? 我地三個發哂茅咁周圍搵, 好彩0個幾個羊欄係要比錢先入得去睇, 比較少人, 但我真係圍住跑左幾次都搵唔到, 於是我跑左出去, 試下响人群中搵下, 又問下secure, 好彩呢個時候嫲嫲就搵到妹妹0刺, 原來妹妹仍然响羊群中, 不過太細粒我地搵唔到佢啫, 嫲嫲搵到佢佢仲唔知死, 仲不停咁跑等嫲嫲追左佢一個圏呀....真係比佢嚇死呀!!
有馬
有turtle (不過影唔到)
仲有貴到飛起0既氫氣球賣, $15一個, 不過妹妹又幾開心0既.... 我地人仲可以同d氣球公仔合照....
好攰, 食左d野我地就返大埔0刺, 回程時, 妹妹見到五星旗, 响巴士度唱"前進, 前進, 前進進"
沒有留言:
張貼留言