食完飯冇耐，突然間妹妹係咁喊，一路嗌住喊，似乎好痛咁，係肚痛嗎？爸爸話去醫院，但我同嫲嫲覺得應該觀察下先，嫲嫲幫妹妹個肚搽D OLIVE OIL, 妹妹喊左幾分鐘就停左，如常咁玩。
差唔多訓時, 又發作, 咩事呢? 一於去醫院啦, 差唔多準備好, 妹妹喊喊下响嫲嫲0既懷抱裡訓著左, 又唔比嫲嫲放低, 終於我地決定如果再發作先去醫院....
成晚妹妹都只係少少喊, 少少扭, 朝早起身又冇野喎, 不過晏少少就發現妹妹有d興, 99.1度….
Book左4:15pm去尹醫生度....
13kgs (28.6 lbs), 妹妹你又重左磅幾0刺, 唔怪得媽媽抱你越黎越辛苦啦….
醫生幫妹妹檢查, 開頭醫生用聽筒檢查妹妹前面時妹妹好乖, 一檢查完前面自己响度講”攪掂!”…
醫生話妹妹係感冒初起, 38度燒, 喉嚨有少少紅, 少少傷風, 可能夜晚會燒高d添…. 不過個肚冇事, 可能突然攪肚痛啫….
嫲嫲怕妹妹會燒得嚴重, 提議响診所食一次藥, 當然唔成功啦, 眾目睽睽之下我極不願意繼續同妹妹糾纏, 堅持放棄….
妹妹全程都要我抱, 自己唔肯行, 嫲嫲抱又唔掣, 返到屋企對手同雞亦位都好痛呀!!!
灌左第一次藥, 算成功啦, 妹妹好快都退燒lu….不過之後妹妹再唔肯就範, 將大部份(我諗係大部份啦)0既藥吐返出黎.... 最後我開始將d藥水偷偷地放落水同奶度比佢飲, 佢照飲証明d藥水根本就唔難飲啦....
雖然佢好似好精神咁, 不過訓覺佢不停郁, 不停轉, 尋晚仲要抱抱添, 我兩晚冇覺好訓(難得的兩日假期..), 今日對眼都睜唔大....而家唯有寫寫blog頂下眼訓啦…
沒有留言:
張貼留言