寶石球榴槤

5/9

放工返屋企路經market place, 入去買d生果先...

買左蘋果同香蕉, 正想走之際, 見到有人開緊榴槤, 又走埋去睇睇...

其實尋晚响b仔已經食左榴槤班cake同榴槤布甸(兩樣都好好味!!), 今日唔應該再買啦!!

不過, 呢隻榴槤叫寶石球榴槤, 係我未見過0既, 又深色, 都算大個喎...

價錢都唔算平, 標價$88/KG, 呢pack得4舊, 要26.2!!

不過我係一個榴槤迷, 未食過0既榴槤, 一定要買黎試下0既!!

食落, 個感覺係.... 有冇攪錯呀? 粒核咁大0既???

真係好大架...

不過味道就幾好, 有少少我鍾意0既甘味, 不過, 始終都係貓山王正好多....

價錢平貓山王一半, 但我都寧願食貓山王好過, 講講下, 又試好掛住添, 哈哈!!