乖左...

不得不讚, 最近妹妹真係乖左好多...

以前刁蠻任性, 每要一樣野都一定要得到, 唔係就發脾氣, 呢排, 只要同佢解釋, 佢絶大多數都接受, 有時...連解釋都唔駛添...

事例: 有一日下晝, 妹妹想飲奶訓覺, 我沖緊, 妹妹攞左個奶粉格同鑵奶粉出黎話要筆, 我同佢講而家唔駛筆, 今晚先筆, 但佢話佢要筆, 然後, 我就再肯定d同佢講今晚先筆, 比在以前佢會喊, 會扭計堅持要筆, 但今次佢竟然將d野放返哂响原位, 一路自己講: "今晚先筆.."

以前有時叫佢做野叫極都唔郁, 而家認真d再叫/恐嚇佢(e.g.你唔刷牙, 我唔同你玩架0刺), 佢就會去做, 好大進步啊!

有禮貌左, 想玩iphone唔會搶, 會同我講佢好想玩, 等我比佢...