妹妹的九龍城

奶奶生日, 呢排比較多節目...

星期一朋友們同佢慶祝生日, 去左九龍城NEWAY, 我一放工就去0個度接返妹妹...

一見到妹妹, 嚇左一嚇, 點解成面都係血?

奶奶話佢用手指撩個鼻, 整到流血...

妹妹將D血整到成塊面都係, 成隻花面貓咁, D血都己經乾哂, 點解唔幫佢抺? 係咪大家掛住玩跟本就冇理到佢?? 見到咁樣, 我心痛到不得了啊...

奶奶落樓下屈臣氏買濕紙巾, 我同妹妹慢慢行落去...

去到屈臣氏門口, 又唔見左嫲嫲0刺, 打極電話都冇人聽, 我地唯有企响度等...

企企下... 妹妺突然大發現!!!

"九龍城呀!! 九龍城呀!! 九龍城响呢度呀!!!" 佢指住下一層狂嗌!!!

咁岩佢指住0個個方向有個牌寫住"九龍城XXX", 嘩! 唔係卦! 你唔係識認呀?

原來佢指住0既係下一層0既冒險樂園, 呢度就係佢平時成日要去0既"九龍城"!! 乜原來個九龍城得咁細架咋, 哈哈!!

約左爸爸响又一城等, 我地要走0刺!! 但妹妺狂喊, 一定要去"九龍城"玩波波, 又想騎馬馬, 佢一喊, D鼻水又連埋血一齊流出黎, 見到就心痛... 最後我決定唔去剪頭髮, 比妹妹响度玩...