無事0刺, 變返正常小朋友...

尋日11點, 我就打去學校叫陳主任放學後打比我, 我想了解下李梓丹0既情況...

陳主任一直都冇覆電話, 屋企又有突發事要早走, 我都冇左件事...

今朝9點幾, 陳主任回電0刺..

陳主任話李梓丹尋日好左好多, 已經回復正常!!! (真好!!)

不過呢, 呢兩日得知, 其實李梓丹响學校係頗為坐唔定0既一個, 除左係細b專注力比較弱0既關係, 佢身為女孩子, 都真係比較坐唔定, 因為通常男孩子先會咁樣, 佢都頗特別... 不過雖然佢坐唔定, 但塊面都會向住老師, 都會聽到老師講野... (都好彩!)

至於學習表現方面, 老師話佢係一半半, 因為經常病, 不在狀態, 但如果佢在狀態的話, 佢係冇問題的... 唉, 呢樣都唔知點控制, 返左兩個月學已經sick leave左10日...

希望1月份0既評估週, 妹妹唔會係最差成績0既d啦...