聖誕飾物設計比賽

有一日, 妹妹個功課套夾左張通告, 話學校有個聖誕飾物設計比賽, 希望各位家長同小朋友一齊做, deadline係12/17....

呢樣野真係考起零藝術天份0既我....

諗左兩個星期, 都諗唔到可以做咩....

doris lee建議: 搵個銀色波波, 然後痴對翼上去, 就變左隻天使啦...
爸爸建議: 用四張紙剪左聖誕樹0既形狀然後痴埋, 就變左棵3d聖誔樹啦...

直至12/15, 即deadline前兩日, 我的起心肝去大眾買左d材料, 其實係亂買一通, 因為根本就唔知道自己想做乜...

當晚我並無開始, 因為返到屋企妹妹已經訓著左...

到12/16晚, 我都一樣係夜返, 妹妹又訓左, 咁我唯有自己做啦...

但.....究竟做咩好呢?????

上網參考下人地d作品先... 有人做3D飾物, 幾誇張都有...

而我, 就參考左一個做聖誕環0既飾物...

用左大半個鐘完成, 做完之後, 我竟然放在响張枱度都搵唔到, 你話幾唔起眼....

不過爸爸安慰我, 佢話如果太靚就唔似小朋友做啦, 咦, 又係喎!!

第二朝妹妹醒左, 我比妹妹過目, 好彩妹妹好例牌地答左句"靚!"

不過, 奶奶一見到, 講左句: "人地掛哂出黎啦!! 人地一座座雪人咁架!!", 吓?? 一座座??? 咁我呢個咪....

算啦, 志在參與, 我下次會加倍努力架0刺...