呢個拍拖日一拖再拖, 終於實現到0刺, 尋日我地响毫無壓力低下行街拍拖, 唔駛諗住要趕返屋企, 好開心, 有返未生妹妹之前0既感覺, 哈哈, 原來我地以前係咁開心架....
一開始我地三人行, 同埋媽咪一齊去做body check, 做完早早地就去左壽司廣食lunch..
因為媽咪只食三文魚同鰻魚, 我叫左個餐 - 5件壽司+鰻魚飯+烏冬比佢.... 5件要哂三文魚, 三文魚己經係好平0既野黎啦, 但quality勁差囉, 咁都比得人食, 好cheap呀...
我同老公叫左雜錦刺身飯同9件壽司0既餐share, 都算新鮮, 味道ok, 但只算ok囉....
食完我地就送媽咪去搭車, 開始我地0既拍拖日!!
第一站 - City super, 買左我想試0既山竹味peeling, 老公試左明顯隻手係滑左架.....
第二站 - 新港, 响underground同izzue買左野, 但爸爸有d失望呀, 佢想大購物!!
第三站 - 佐敦, 去攞張票....
第四站 - 原本係返TST ISQUARE睇唐山大地震, 但上左車先記得未去護協買牙刷同牙膏, 於是即刻落車行返去買....
第五站 - 唔夠時間0刺, 要搭的士去Isquare先得, 時間應該岩岩好喎, 但去到樓下, 多口問個食蕉邊個方法最快上到戲院, 佢老點左我地去搭lift, 呢個應該係最慢0既方法囉, 套戲4:20開場, 我地上到戲院已經4:30, 仲要得返頭一行, 最後我地決定唔睇0刺, 好down呀, 我真係好想睇呀......

第六站 - 睇唔到戲出面又落大雨, 咁唯有食下甜品啦, 滿記新出左榴槤芭菲, 正如個waitress咁話, 夠味但唔夠榴槤肉, 不過都算好味的.... 老公就食涼粉....
第七站 - 停左雨, 又未夠時間去食dinner(我地計劃銀座梅林), 咁又返新港shopping啦, 老公以前最鍾意响Another買衫, 而家竟然一件都睇唔岩, 老公認為係自己老左, 我就話唔係0刺, 根本就係d衫唔靚.....
第八站 - H&M, 收穫只係三對祙.....
第九站 - i.t., 都係我唔好, 做乜提議去i.t.呢? 淨係响Kate Judith個位己經用左一個鐘, 最後連銀座梅林都去唔成, 不過老公好好呀, 冇佢份買, 佢都好有心機陪我揀, 比意見, 不過.... 响佢x踴之下, 我竟然一日內買左兩條牛仔短衭, 想死....不過呢, 尋日試衫先發現自己真係瘦左d喎...hehe....
第十站 - Toast Box, 食個快dinner, 要返屋企0刺....
第十一站 - 大埔中心izzue, 老公心有不甘, 要去大埔izzue買佢响TST買唔到0既Polo shirt, 算啦, 唔比你買你係唔會心息架0刺....
雖然行左好多地方, 但都唔多覺得攰喎, 因為唔駛揍住阿女囉....
究竟下一個拍拖日可以係幾時呢?? 好期待可以拖下手, 蹺下手0既日子....
嘩...好sweet呀...多d呢d日子, 會好開心ga...我都好珍惜而家仲係2人世界的呢幾個月ga...
回覆刪除[版主回覆07/28/2010 20:11:00]真係要好好珍惜呀,bb出世之後就會少左心情同時間拍拖架0刺··
你d食物影得好靚呀..好sharp...搞到我好想食呀....用咩機影ga...
回覆刪除[版主回覆07/29/2010 12:59:00]我用iphone影咋喎, 如果用靚d0既機影可能你會流口水, hehe....
節目好豐富喎, 妹妹邊個照顧呀??
回覆刪除[版主回覆07/30/2010 17:59:00]of course是麻麻,hehe