流鼻血

尋晚沖完涼, 我如常搽面準備訓覺, 嫲嫲就响度氹緊妹妹訓, 聽到妹妹玩到格格笑, 好得意.... 仲會心微笑緊0既時候, 嫲嫲突然大聲講: "ADA, 妹妹流鼻血呀!!!!!!" 我嚇一嚇, 即刻衝出去睇下妹妹, 妹妹流左好多鼻血, 佢自己同嫲嫲件衫都有.....

我地要扮鎮定唔好嚇親妹妹, 好彩好快就止左血, 究竟咩事會咁呢? 其實之前妹妹已經成日捽0個邊鼻, 我以為佢有鼻鼻唔舒服啦, 但望過又唔多覺所以冇再多加注意.....

今朝嫲嫲落藥房, 0個個人話妹妹肺熱, 執左包涼茶返黎, 仲話妹妹要戒口, 連朱古力同餅餅都唔可以食呀 (今次慘0刺...)

D涼茶有陣味, 妹妹飲左兩啖就唔再肯飲0刺, 不過都幾得意架, 妹妹用奶樽飲, 試左一啖, 覺得好怪, 跟住佢竟然再試多一啖, 先真係肯定接受唔到.... 比我, 試過第一啖一定會即刻放棄囉....